پاڕەویکارۍ ئایینو میترایی:
ئایینو میترایی پەی چن سەدێ، دینو نەتەوەکا ئێرانی بېیەن، پەی نموونەی (ئەشکانیەکۍ) بە (ڕوجیار) یشا واتەن (میهر) ، قلوریشا پەی بەردەن و پەرەستەنشا و قوربانیشا پەی کەردەن، بە باوەڕو ئاڎییشا خوڎاو (ڕوجیار) ی پارېزەرو خانەواڎەو حوکمڕانی و هامکات پارېزەرو پێکەرو باوانیشا بېیەن، ساڵەی یەکەمەی زایېنېیەنە میهر پەرەسەکۍ دەسشان کەردەن وەڵاکەردەی دینەکەیشان، بە زوویی وەڵا بېیەنۆ، ساڵەو (68ز) میهر پەرەسی یاوان ئەوروپای مېیان، ساڵەو (107ز) یاوان سەرنیشتو باڵکانی، ساڵەو (148ز) دلۍ ڕوماینە لایەنگیرۍ فرېش پېڎێ کەردېنۍ، هەم جە وڵاتەکا (ئیتالیا، ئەڵمانیا، فەرەنسا) ینە شۊنەوارو میهر پەرەسی وەرچەم گنۊ.
دەسەڵاتدارۍ ئیمپراتورو (ڕوم) ی دینو (میترائیزم) شان پەسینان، بېیەن بە دینی ڕەسمی دەوڵەتەکەیشان، دلۍ سوپاو یونانیچەنە بە تەرزێ فرە وەرچەم وەڵا بېیەنۆ، سەربازە یونانیەکۍ (میترا) شا بە سیماو خوڎاو جەنگاوەرا قەڵەم دان.
میتراکۍ ئینێ چا باوەڕەنە کە (میترا) خوڎای گۆرەن و خوڎێکۍ تەرۍ ئینێ پانیشتو ئاڎیۆ، هامکات پاسە مزانا کە (ڕوجیار) خودو خوڎای نېیەن، بەڵکو خوڎێوە هەن ئینا دلۍ ڕوجیارینە.[1]
Dieser Artikel wurde in (هەورامی) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Dieser Artikel wurde bereits 485 mal angesehen
Schreiben Sie Ihren Kommentar zu diesem Artikel!