#قوباد تاڵەبانی# جێگری سەرۆک وەزیران لەگەڵ وەفدێکی پەڕڵەمانی ئێراق کە پێکهاتبوو لە ئەندامانی لیژنەی ئەوقاف و عەشایر بەسەرۆکایەتی مەحمود مەشهەدانی کۆبووەوە و پێکەوە دوا پێشهات و گۆڕانکارییەکانی ئێراق و چۆنییەتی پتەوترکردنی پەیوەندییەکانی نێوان هەرێم و #بەغدا#یان تاوتوێ کرد.
لە کۆبوونەوەکەدا کە ڕۆژی شەممە ڕێکەوتی #13-05-2023# لە دەباشان بەڕێوەچوو، دکتۆر مەحمود مەشهەدانی ڕۆڵی سەرۆک مام جەلالی وەبیرهێنایەوە لە بەدیهێنانی ئاشتەوایی و تەبایی و یەکریزی لەنێوان لایەنە ئێراقییەکان و سەرجەم نەتەوە و پێکهاتەکاندا و ڕایگەیاند لە قۆناغی سەخت و هەستیاری دوای ڕووخانی ڕژێمی بەعس مام جەلال وەک پێشەوایەک لە سیاسەتی ئێراق دەرکەوت کە بەبێ جیاوازی کۆکەرەوەی سەرجەم دەنگ و ڕەنگە جیاوازەکان بوو.
قوباد تاڵەبانی لە کۆبوونەوەکەدا وێڕای جەختکردنەوە لە گرنگی قوڵکردنەوەی گیانی لێبوردەیی و پێکەوەژیانی ئاشتیانە کە ئەرکی هەموو لایەنە سیاسییەکانە، ئاماژەی بەوەشدا کە پێویستە هەموولایەکمان بە هەمان شێوازی مام جەلال کار بکەین بۆ چارەسەرکردنی کێشەکان لەپێناو ئاشتەوایی و یەکڕیزی نیشتمانییدا.
سەبارەت بە پەیوەندییەکانی نێوان هەرێم و #بەغدا#ش جێگری سەرۆک وەزیران ڕایگەیاند؛ هەموو کات وتوومانە بەغدا قوڵایی ستراتیژی هەرێمی کوردستانە، هەرچەندە ئێستا پەیوەندییەکان لە دۆخێکی باشدایە، بەڵام دەبێ بە هەموو لایەکمانەوە کاربکەین لەپێناو ئاشتەوایی و تەبایی زیاتر کێشەکانی نێوان هەرێم و بەغدا بەشێوەیەکی بنەڕەتی و درێژخایەن چارەسەر بکرێت. [1]
Kurdipedia ist nicht verantwortlich für den Inhalt dieser Aufnahme, sondern der Eigentümer. Gespeichert für Archivzwecke.
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 576 mal angesehen
Schreiben Sie Ihren Kommentar zu diesem Artikel!