#سەمیر هەورامی# وتەبێژی #قوباد تاڵەبانی# جێگری سەرۆک وەزیران ڕایگەیاند؛ پڕۆژەی ڕێکخستنەوەی دارایی گشتی لە هەرێمی کوردستان، کە ئەمڕۆ #14-05-2023# پەسەند کرا لە کۆبوونەوەی ئەنجوومەنی وەزیران، پڕۆژەی هەموو لایەنەکانی حکومەت بووە و بە کۆی دەنگی سەرۆک و جێگری سەرۆک وەزیران و هەموو ئەندامانی ئەنجوومەن پەسەند کراوە.
سەبارەت بەوەی گوایە هەندێک لایەن لە دژی بوون، سەمیر هەورامی ئەو دەنگۆیانەی ڕەتکردەوە و وتی؛ گفتۆی ورد کراوە لەبارە چۆنییەتی دارشتنی پڕۆژەکە، ئەگینا هەموو لایەنەکانی پێکهێنەری حکومەت، لەگەڵ ناوەرۆک و ئامانجی ئەو پڕۆژەیە بوون و بەهیچ شێوەیەک ڕەتنەکراوەتەوە.
وتەبێژی جێگری سەرۆک وەزیران جەختیشیکردەوە کە؛ هیچ کەسێک دژی نەبووە و هەمووان لەگەڵ ئەو مەبدەئە بوون کە پێویستە بۆ ڕێکخستنەوەی دارایی هەرێم، داهات و خەرجییەکان ناوەندی بن و مووچە سیادی بێت. [1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 397 mal angesehen