ناونیشانی بابەت: شوێنەوارێکی دێرینی مێژوویی لە کوردستان دۆزرایەوە
سەرۆکایەتیی #زانکۆی سەلاحەددین# بە هاوکاریی زانکۆ بریتانی و ئیسپانییەکان کاری کنە و پشکنینیان لە #گرد لەشکر#، گردێکی شوێنەواری لە ڕۆژهەڵاتی شاری #هەولێر# کردووە و چەندان پارچەی شوێنەوارییان دۆزیوەتەوە.
لە کۆنگرەیەکی ڕۆژنامەنووسیدا پ. د. کامەران یونس، سەرۆکی زانکۆی سەلاحەددین، ئاماژەی بۆ ئەوە کرد کە لە ساڵی 2016-وە شاندێکی زانکۆکانی بریتانیا و ئیسپانیا لە کوردستان کار دەکەن و چەندان پڕۆسەی کنە و پشکنینیان کردووە کە مەبەستیان زیاتر ساغکردنەوەی مێژووی دێرینی کوردە.
پاشان میگێل مۆریست پ. د. سەرۆکی تیمی کۆڵینکاریی زانکۆی ئۆتۆنۆمۆی ئیسپانیا ڕایگەیاند: لەم وەرزی کۆڵینکارییەی لە گردلەشکر دۆزراونەتەوە دەرکەوتووە کە شوێنەکە هی هەزارەی سێیەمی پێش زایینە، هەروەها گۆڕێک دۆزراوەتەوە کە شێوازی ناشتنەکەی جیاواز بووە، پێ دەچێت کەسێکی پایەبەرز بووبێ و پەیوەندیی لەگەڵ دانیشتوانەکە هەبووە، بۆیە لە کاتی ناشتنیدا چەندان پارچەی شوێنەواری لەگەڵدا نێژاوە و ئێستا دۆزراونەتەوە.
گوتیشی: گۆزەی جۆراوجۆر و مۆری لوولەیی و چەندان جۆرە بەردیش لەو شوێنەوارە دۆزراونەتەوە کە لە ئەنادۆڵ و ئەفغانستانەوە هاتوون و ئەوەش بەڵگەی بوونی پەیوەندیی ناوچەکە لەگەڵ ناوچەکانی دیکەی جیهانە.[1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 376 mal angesehen
Schreiben Sie Ihren Kommentar zu diesem Artikel!