=KTML_Bold=#قوباد تاڵەبانی#، جێگری سەرۆک وەزیران، پێشوازی کرد لە عەبدولئەمیر شەمری وەزیری ناوخۆی ئێراق و پێکەوە باسی دواگۆڕانکاری و هەماهەنگی نێوان هەرێم و بەغدایان کرد=KTML_End=
لە کۆبوونەوەکەدا کە شەوی #08-06-2023# لە دەباشان بەڕێوەچوو، جەخت لە گرنگی هەماهەنگی زیاتر کرایەوە لەڕووی ئەمنییەوە و بەتایبەت لەو ناوچانەی کە دەکەونە نێوان هێڵی هێزە ئەمنییەکانی ئێراق و هێزەکانی هەرێمی کوردستان.
هەروەها باس لە هەماهەنگی نێوان هێزەکانی ناوخۆ کرایەوە بە ئاڕاستەی دەستگیرکردن و ئاڵوگۆڕکردنی داواکراوانی هەڵهاتوو لە یاسا لەنێوان شارەکانی هەرێم و ئێراقدا، لەو بارەیەوە قوباد تاڵەبانی ڕایگەیاند؛ ئامادەی هەموو هاوکارییەکین و نابێت دەرفەت بدرێت بە تاوانباران دەرباز بن لە یاسا و سزا لە هەر شوێنێکی ئێراق یا هەرێم بن.
دواتر باس لەپلان و چۆنییەتی ڕووبەڕوو بوونەوەی زیاد بوونی دیاردەی بەکارهێنان و بازرگانی کردن بە مادە هۆشبەرەکان و بنبڕکردنی ئەو دیاردەیە کرایەوە، بۆ ئەو مەبەستەش جەخت کرایەوە کە هەماهەنگی زیاتر دەبێت بۆ ئەو پرسە.
لە تەوەرێکی تری کۆبوونەوەکەش باس لە دۆخی سیاسی ئێراق و هەرێم کرا و هاوڕا بوون کە؛ نابێت دۆخی سیاسی ببێتە هۆکارێک بۆ درووستبوونی لێکترازان و هەلقۆزتنەوەی ئەو لێکترازانە لەلایەن شانە نووستووەکانی تیرۆیستان و تێکدانی باری ئارامی. [1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 570 mal angesehen
Schreiben Sie Ihren Kommentar zu diesem Artikel!