ئەمڕۆ پێنجشەممە ڕێکەوتی #15-06-2023#، #نێچیرڤان بارزانی#، سەرۆکی هەرێمی کوردستان، لەگەڵ کۆمیسیۆنی باڵای سەربەخۆی هەڵبژاردنی ئێراق کۆبووەوە کە لەسەر بانگهێشتی بەڕێزیان بۆ گفتوگۆکردن و هەنگاوەکانی ئامادەکاریی هەڵبژاردنی داهاتووی پەڕڵەمانی کوردستان، سەردانی #هەولێر#یان کردووە.
لە کۆبوونەوەکەدا، جینین پلاسخارت نوێنەری تایبەتیی سکرتێری گشتیی نەتەوە یەکگرتووەکان لە ئێراق، جێگرانی سەرۆکی هەرێمی کوردستان، تیمێکی پسپۆڕی یۆنامی و سەرۆک و ئەندامانی ئەنجوومەنی کۆمیسیارانی ئێراق ئامادەی بوون، نێچیرڤان بارزانی دووپاتی کردەوە کە هەرچی زووە هەنگاو بنرێ بۆ ئەنجامدانی هەڵبژاردنی هەرێمی کوردستان. لەمبارەیەوە ئامادەییی سەرۆکایەتیی هەرێم و حکوومەت و سەرجەم لایەنە پەیوەندیدارەکانی هەرێمی کوردستانی بۆ سەرخستنی پڕۆسەکە دەربڕی.
لای خۆیەوە جینین پلاسخارت و تیمی یۆنامی پشتیووانیی خۆیان بۆ هەنگاوەکانی نێچیرڤان بارزانی ڕاگەیاند و ئامادەیییان نیشان دا بۆ پێشکەشکردنی هاوکاری بۆ ئەنجامدان و سەرخستنی هەڵبژاردن.
لەمبارەیەوە بڕیار درا لە سەرۆکایەتی هەرێم و کۆمیسیۆنی باڵای هەڵبژاردنەکان لە پەیوەندیی بەردەوامدا بن بە مەبەستی دیاریکردنی وادەیەک بۆ ئەنجامدانی هەڵبژاردن. [1]
Dieser Artikel wurde in (کوردیی ناوەڕاست - Central Kurdish) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 555 mal angesehen
Schreiben Sie Ihren Kommentar zu diesem Artikel!