ئەندامێکی ئەنجوومەنی نوێنەرانی ئێراق ڕایدەگەیەنێت، کورد بەکێشە ناوخۆییەکانییەوە دەناڵێنێ و دۆخی خەڵک و خزمەتگوزارییەکان تا دێ خراپتر دەبێت.
#کاروان عەلی یاروەیس# ئەندامی ئەنجوومەنی نوێنەرانی ئێراق بڵاویکردۆتەوە، کورد بە پەرتەوازەیی و قوڵبوونەوەی کێشە ناوخۆییەکانییەوە دەناڵێنێ و دۆخی خەڵک و خزمەتگوزارییەکان تادێ خراپتر دەبێت، لەکاتێکدا چەند پرسێکی گرنگ لە داهاتودا لە ئێراق دێنە ئاراوە و ئەگەر کورد یەک بڕیار و یەک ڕوئیای نەبێت زیانی گەورە دەکات.
کاروان یاروەیس لەبارەی پرسە گرنگەکانەوە ڕایگەیاندووە، ئەو پرسە گرنگانەش بریتین لە پڕۆژە یاسای بودجەی ئێراق بۆ ساڵی 2023 و پشکی هەرێم، هەروەها پڕۆژە یاسای نەوت و غاز کە ئاییندەی نەوت و غازی هەرێمی کوردستان دیاری دەکات و یاسایەکی زۆر گرنگە، لەگەڵ ئەوەشدا هەموارکردنەوەی یاسای هەڵبژاردنی ئەنجوومەنی پارێزگاکانی ئێراق و ئەنجامدانی هەڵبژاردنەکە و چارەنووسی کەرکووک و ناوچە کوردستانیە دابڕێنراوەکان و پڕۆژە یاسای سەرژمێری گشتی لە ئێراق لەگەڵ هەمواری یاسای هەڵبژاردنی ئەنجوومەنی نوێنەرانی ئێراق لەو پرسانەن کە لە داهاتوودا دێنە ئاراوە. [1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 348 mal angesehen