نەتەوە کامەن؟
ماچا نەتەوە یان، Nation وەختېو نەتەوەن کە يوئێنەنە UN پەرچەمە (ئاڵا) ش بوو، بڕېو دانشمەندېچ ماچا نەخێر نەتەوە بریتیا جە ”هەستېوی کە دلی ناخ و ئەنداماو گروپیو خەڵکیەنە بېیەیش هەن وەرانوەرو یەکتریۆ. یانی ئەر کابرێوی کورد جە تارانەنە بە جلوبەرگی کوردیوە پیاسەکەرۊ، کەسێ تەر پېدابۊ لاقرتیۍ کەرۊ بە پۊشاکە کوردیەکاش، وە چی حاڵەتەنە کابرێوە کورد کە ئینا چەمۆ، هەستش جمۊ وەرانوەرو ئا لاقرتیکەردەیە وەرانوەرو هاموەڵاتیەکەیش، ئی هەستە پەنەش ماچا هەستی نەتەوەیی، وە هەر ئینەنە پێناسېوی مودیرن مجۊرە پەی نەتەوەی. بەڵام دەی ئەر کەمېو وردتەرش کەرمېوە، ئەر کابرێو فەرەنجیێش لاشانەیەنە بۊ. ھېتېو کڵاشۍ چەرمېچش پانەبا سلېمانېیەنە یان هۆلېرەنە یان سنەنە پیاسۍ کەرۊ، کابرێو چۆلاوە بەیو گوشۍ فەرەنجی کابرای کېشو بە عینوانو مەسخەرەکەردەی پەنەش، تۊی هۆرامیچ چەمۆبی، ئایا هەستو هۆرامیەتیت تەکانی مەوەرۊ کە قینیتبێوەنە بە حەرەکەو کابرای؟ بە بڕواو من ئامادەنی دوۍ شەقیچ شانی، کەواتە ھەرگیز گوناح نېیا ئیمەیچ واچمی بەپاو پېناسېوی کە دانشمەنداو بوارو ناسی ونالیزمی بەحسشا سەر کەردەن ئېمەی هۆرامیچ نەتەوەنمۍ.
عەبدولڕەحمان هۆرامی[1]
Dieser Artikel wurde in (هەورامی - Kurdish Hawrami) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئی بابەتۍ بە زۋانی (هەورامی - Kurdish Hawrami) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Dieser Artikel wurde bereits 322 mal angesehen
Schreiben Sie Ihren Kommentar zu diesem Artikel!