نەکەوەت دارە، نەچەقەلە بوارە، نەکیژ شوونەواره
لە ناوچەی #خۆشناوەتی# دا چەندین ئیدیۆمیان بەبن زاریدا هاتووە کە زۆر شیرین و پڕ گوزارشت و ئەزموونن وەکوو: ( نە کەوەت دارە، نه چەقەلە بوارە، نەکیژ شوونەواره) ، کەوەت: ڕووەکێکە تۆکمەیە بەڵام درەختیلەیە و باڵا ناکات وەکوو داریتر، بۆ دارجگەرە و کەوچک درووستکردن بەکاردێت، لە چیای #خاڵخاڵان# ی شاری #کەرکووک# لوتکەیەک بەناوی ئەو ڕووەکەوە هەیە پێی دەڵێن: کەوەتین، چەقەلە یان چەقالە بەری ڕووەکی بادەمە پێش ئەوەی پێ بگات و ببێتە بادەم، ئەوە لە سەرەتایی بەهاردا پەیدا دەبێت کە هێشتا سەرماو سۆڵە تەزی نەشکاوە و ماویەتی، ئەگەری هەیە بەشەپۆلێکی سارد هەموو چەکەرەکان بسوتێن، کیژ، کچ کاتێک بەشوو دەدرێت منداڵەکان و وەچەکەی ناوی مێردەکەی هەڵدەگرن، بۆ هەرسێک شت (کەوەت و چەقەلە و کیژ) بەهۆی ئەزموونەوە وتراوە: نەکەوەت دارە، نەچەقەلە بوارە، نەکیژ شوونەواره.[1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 211 mal angesehen