هەڵبژاردەی کاراتێی ئێراق مەشق و ئامادەکاری بۆ بەشداری لە چوار پاڵەوانێتی دەرەکی دەست پێکرد .
لە شاری #سلێمانی# و لەژێر سەرپەرشتی شاخەوان ئەحمەدی ڕاهێنەری تیمی کاراتێی #یانەی وەرزشی پێشمەرگەی سلێمانی# و ڕاهێنەری دیاری کراو بۆ هەڵبژاردەی ئێراق ، کەمپی مەشقی هەڵبژاردەی کاراتێی ئێراق دەستی پێ کرد.
سەبارەت به و ئامادەکارییە شاخەوانی ڕاهێنەر تایبەت بە پێشمەرگە سپۆرتی ڕاگەیاندوو وتی ، تیمەکەمان لە 10 یاریزان پێکدێن کە 6 له و یاریزانانە لە تیمی کۆمیتە و 4 یاریزان لە تیمی کاتا دەبن ، هەروەک ناوبراو ئاماژەی پێکرد کە ڕۆژی یەکشەممە 21-05-2023 دەست پێکی مەشقی ئامادەکاری هەڵبژاردەکە بووە و لە شاری سلێمانی تیمی کۆمیتە مەشقەکان ئەنجام دەدەن و لە شارۆچکەی #خورماڵیش# تیمی کاتا لەژێر سەرپەرشتی کابتن مستەفای بە ڕەگەز میصری مەشقەکان بەڕێوەدەبەن.
شاخەوان ئاماژەی بەوەشکرد کە ئامادەکاریان تا کۆتایی مانگی ئایار دەبێت و پاشان ڕوو دەکەنە وڵاتی ئێران بۆ ئەنجام دانی کەمپی دووەم و دواتر و لە مانگی تەمووز پاڵەوانێتییە بەهێزەکان دەست پێدەکات کە خۆی لە چوار پاڵەوانێتی دەرەکی دەبینێتەوە لەنێویاندا پاڵەوانێتییەکانی وڵاتانی ( عەرەب ، ئۆڵۆمپیاد ، جیهان و ئاسیا ) دەبێت.
سەبارەت بە لیستی یاریزانان ڕاهێنەری تیمی کۆمیتەی هەڵبژاردەکە وتی ، هەریەک لە یاریزانان ( شڤان عوسمان وەک کابتن ، لە کێشی + 84 کغم ، ڕێباز حەکیم لە کێشی - 55 کغم ، بەڕێز لوقمان کێشى 60 کغم ، سەرهەنگ عوسمان لە کێشی - 67 کغم ، هەمزە بەختیار لە کێشی - 75 کغم و مەبەست فایەق لە کێشی - 84 کغم دەبێت ) تیمی کۆمیتە پێک دێنن جگەلە چوار یاریزانی تیمی کاتامان.
دواجار ڕاهێنەری هەڵبژاردەی ئێراق سوپاسی یەکێتی کاراتێی سلێمانی کرد بۆ میوانداری کردنی هەڵبژاردەکەیان لە دابین کردنی جێگەی مەشق و ئامادەکارییەکان.[1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 390 mal angesehen
Schreiben Sie Ihren Kommentar zu diesem Artikel!