بەرز پڕی، نزم نیشی
ئی پەندۍ بڕێ فرەو کەسەکا مەگېرۊوە، بەرز پڕای باڵداری هیلاک کەرۊن، وەختێ مەنیشۊوە مەگنۊ یاگێ نزم سەرو زەمینی. پەندێ وېمانۍ فرە مانادارەنە، ئا کەسۍ کە بە هۊکارو زەڕی یان دەسەڵاتی، یان جوانی جە وېشان فاڕیان، بەخۍ کەران ملو خەڵکیرە، وېشا جە پلێوە بەرزتەر مەوینا، هەر ئەچی دنیانە خوڎای گۆرە لووتەشا چەقنۊ زەمینەرەو نزمېشا کەرۊوە.
بەرزی و گۆرەیی تەنیا پەی زاتو خوڎایەن، پەی ئاڎەمی نامان گۆرەیی برمانۊ. وەڵینا واتەن وەختێ تیرە دلۍ کەمانینە بەرمشۊ، فرە بە دەماخەو لووت بەرزەنە، چوونکوم پەی بەرزی و ئاسمانی ملۊن، بەڵام دمای بڕیەی ئا بەرزیەیە ئیتر هېزش تەمامیۊو مەجبوور سەرەو وار مەگنۊوە، نووکش مەچەقۊ خوڵەکۍ. گەر مروڤ سەرنجەو ئانەیە بڎۊ مەشۊم دەرس و عیبرەت وەرگېرۊن، مەشۊم بڎیۊ پەی وەڵینەکا هەکە جە بەرزە پڕیشانە چېششا سەر ئاما.[1]
Dieser Artikel wurde in (هەورامی) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Dieser Artikel wurde bereits 800 mal angesehen
Schreiben Sie Ihren Kommentar zu diesem Artikel!