وانگاو کناچا جە هۆرامان
نویستەی: ئەسعەد ڕەشید
ناوچەو هۆرامانی جە وېیەردەی وەڵینەنە سەرچەمەو مەدرەسە دینیەکا بېیەن، بڕێ فرۍ جە زانا و پیرەکا ئەچاگە ژیوێنۍ، خەڵکیشا فېرو خوڼەواری کەردەن، مەدرەسېشا وەشکەردېنۍ، ئەچاگە وانە ئایینیەکۍ و دنیاییەکېشا فېرو خەڵکی کەردېنۍ.
دماتەر مەدرەسە ئایینیەکۍ تەریقەتو نەقشبەندۍ بنیاڎ نریێنۍ، کە پېسە چراوێ ڕۊشنۍ شۊقشا شانان پەی تەماموو سەرزەمینو کوردەواری، چڼەها زانێ نامدارۍ و قەڵەم بە دەسۍ ئەچاگە بەرشیېنۍ، چڼەها شاعېرۍ لوێنېنە دلۍ دنیاو عیرفانی و بەرهەمۍ تاسوخۍ و سەنگینېشا پېشکەش بە ئەدەب و فەرهەنگو کوردەواری کەردېنۍ.
وەختێ سیستەمو وانای دلۍ حوجرەکاوە فاڕیاوە پەی دلۍ وانگاکا، هۆرامان دیسان سەرمەشقو ئا دەسکۆتە بە قیمەتەیە بۍ، دەگێکۍ و شارەدەگێکۍ هۆرامانی باوشیشا پەی زانست و فېربېیەی تازەی کەردۆ، شارەدەگایەکاو پېسە بېیارۍ و تەوېڵۍ وخورماڵینە یەکەمین تەۋەنەو ماریفەتی پەی بنیاڎنیای وانگاکا نریارە، ئەچاگە نەک هەر کوڕۍ، بەڵکوم کناچۍ هۆرامانی چېرو ئاوەزێ ڕۊشنو ئەڎا و تاتەیشاو بە گورج و گوڵی و مەحکەمی باوەڕیشا لوێنە دلۍ وانگاکا.
ڕەنگە ئیساتۍ وېنێوە سېیاو و چەرمەو ساڵەو حەفتاکا شارەدەگاو تەوېڵۍ نیشانە بڎەیمۍ، ئېمە دڵوەشۍ بیمۍ و خەڵکی تەر ئافەرینۍ بکیانۊ پەی خەڵکێ کە ئەچا ڕوزگارەنە بەشێ جە ورکەکاشا دەسکۆتەی زانست و ماریفەتی بېیەن.[1]
Dieser Artikel wurde in (هەورامی) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Dieser Artikel wurde bereits 832 mal angesehen
Schreiben Sie Ihren Kommentar zu diesem Artikel!