ناونیشانی بابەت: #لۆزان#ی 2023
ئامادەکردن و نووسین: #عەبدوڵڵا کەریم مەحمود#
لە سەعات 11-ی 11/11/1918 جەنگی جیهانی یەکەم وەستا ، وڵاتانی هاوپەیمان بڕیاریان دا لەسەر بنەمای نەتەوە ، وڵاتی سەربەخۆ ، بۆ هەموو گەلانی دنیا ، لە نیشتمانەکەیان دا دروست بکەن .
لە ڕێکەوتن نامەی سایکس بیکۆی 1916و کۆنگرەی ئاشتی 1919و
کۆنگرەی سان ڕیمۆ لە 19-ی مایسی 1920وکۆنگرەی سیڤەر لە 10/ 8/ 1920
بە 3 مادە ی (62- 63-64) .گرنگی بە کوردونیشتمانەکەی درابوو، بۆ ئەوەی مافی چارەی خۆ نوسینی پێ بدرێت .
دوای ئه و هەموو ڕێکەوتن و کۆنگرانە ، کوردستان بەسەر یەکێتی سۆڤیەت وسوریاو تورکیا دا دابەش کرا .
لە 24/7/1923 لە کۆنگرەی لۆزان ، لە شاری لۆزان ی سویسرا لە نێوان (بەریتانیاوفەرەنساوئیتالیاوژاپۆن ویۆنان ورۆمانیا وسڕبیا وکراواتیا وسلۆنیاوتورکیا) بۆ ناسینی دەوڵەتی نوێی تورکیا ، بۆ پیا چونەوە بە پەیمانی سیڤەر سازکرا.
لاوازی ودەستەمۆی سەرکردەکانی کورد و بەرژەوەندی زهێزەکانی دنیا ، هە ڕ هەمووی لە بەرژەوەندی سیناریۆکەی مستەفا کەمال ئەتاتورک ودەوڵەتی تورکیای نوێ دا بوو.
بەریتانیاو فەرەنسا ، ڕۆڵی پێشەنگ و سەرەکی یان لە ونمایشەدا گێڕا ، بۆ سەرکەوتنی یاری و سیناریۆکەی کەمال ئەتاتورک ، پەیمان نامەی لۆزان یان ئیمزا کرد.
لە ناو هۆڵەی لۆزان ، ناوی کوردو نیشتیمانەکەیان سڕییەوە ،
لە لۆزانەوە تا ئێستا ، 100ساڵە کورد ، بە سیناریۆی زلهێزەکانی دنیا .لە نیشتمانەکەی دا جینۆساید دەکرێت .
لە لۆزانەوە ، ئەوە 100ساڵە ، زۆرلە سەرکردەکانی کورد ، خەریکی خۆخۆری و یەکتریی سڕینەوەو و شەڕی کورد بە دەستی کورد کوشتدانن .
سەرکردە کانی کورد بۆ دژایەتی ولە ناوبردنی یەکتریی ، بوون بە مەقاشی داگیر کەران ، پێش سوپای داگیرکەرانی نیشتمان کەوتوون و شانازیان بە خیانەت وجاشایەتیەوە کردووه ، هەمووشۆڕشەکانی کورد یان تێک شکاندوە .
دوای ڕاپەڕین و نەمانی دەسەڵاتی سەدام و#بەعس# ، سەرکردە سیاسییەکانی کورد ، بە هەموو توانایانەوە ، ژیانی ئەو تاوان بارو جا ش و خائین و جاسوسانەیان پاراست . کۆمەڵکوژی کوردیان کردووە.
سەرکردەکان کەسێتیەکی دوو فاقن ، لە سەر شانۆی نیشتمان ، دوو ڕۆڵ و دوونمایش و دوو یاری دەکەن ، لە لایەکەوە سەرکردەی نەتەوەیەکەیان بوون و لە لایەکی ترەوە ئەو تاوانبارانەیان لەم شارو بۆ ئەو شارو ، لە م گوند بۆ ئەو گوند دەشاردەوە ، بۆ ئەوەی نەکەونە دەستی جەماوەر و دادگای گەل نەکرێن !
ئایا ئەم کردوەوهەڵویستەی سەرکردەکانی کورد ، جیاوازیان لە گەڵ هەڵویستەکەی حەسەن خەیری دا چی یە ؟
حەسەن خەیری وەک سەرکردە و نوێنەری کورد ، بەجلی کوردییەوە ، لە پەرلەمانی دیاربەکرەوە ، بە تەلەگراف ، بروسکەی بۆ کۆنگرە ی لۆزان دەکرد :
-ئێمە سیڤەرمان ناوێت ، پەیمان نامەی لۆزانمان دەوێت ، مستەفا کەمال و کۆماری تورکیامان دەوێت .
زۆر لەم سەرکردانەی ئێستاش دەڵین :
-ئێمە پارتیزانەکانی باکورو ڕۆژئاوامان ناوێت ، ئۆجەلانەکان و مەزلوم کۆبانییەکانمان ناوێت .. ئەردۆگان و ئەردۆگانەکان و ئەتاتورکەکانمان دەوێت .
مێژوونووس و نوسەرو ڕۆژنامەنوسە ماستاوچی و پەرپوت و دەربارەکان ، زۆر لە ڕووداوە مێژوەکانی کوردیان ، بۆ مەبەستێکی تایبەتی ، بە چەواشەیی تۆمار کردووە .
ئه و زنجیرە خیانەت و هەڵە مێژوویانەی سەرکردەکان و کۆ مەڵگەی کوردی یان ، وەک خۆی تۆمار نەکردوە ، بەوەسف و مەدح ئەو سەرکردانەیان گەیاندوەتە لوتکەی هەڵویستی نیشتمانی .
بەو تۆمارە وکارە چەواشەکارانەیان ، مێژووی کوردو ڕۆحی بەرگری میللی کوردیان زیاتر تێک شکاند ، نیشتمانەکەیان خاپوور تر کردووە .
زۆر لە سەرکردە کوردە کانی کورد، ئەوەندە خاکەکەیان خۆش ویستووە ، کام داگیر کەر ، دەسەڵاتی سێبەرو نۆکەرایەتی و جاشایەتی زیاتری پێ دابن ، خاکیان بەو انە هەراج کردووە .
ئەوە مێژووی کورد ، لە 1923 لە لۆزانی کەمال ئەتاتورکەوە بۆ 2023ی بۆ لۆزانی ئەردۆگان ، هەرهەموو ڕووداوەکان هەر نەهامەتی و کۆمەڵ کوژی و خۆخۆری و تراژیدیای پڕلە زنجیرە هەڵەو خیانەتە .
لۆزانی 1923 و مستەفا کەمال ئەتاتورکەکان ، کۆتایی نەهاتووە و زیندون وماوەو تەواو نابێ .
ئەم ئەزمونەی ئیستا لۆزانی 2023 ، #ڕەجەب تەیب ئەردۆگان# ، هەمان سیناریۆ کەمال ئەتاتورکە ، بە سیناریۆی حەسەن خەیرییەکان نمایش دەکرێت .
ئه و لۆزانەی ئێستا ، ۆژانە لە نیشتمان دەیبینن ، لە تراژیدیاکەی کەمال ئەتاتو ڕک سامناک ترە .
ڕەجەب تەیب ئەردۆگان ، بە هۆی حەسەن خەیرییەکانی ئیستاو زلهیزەکانی دنیا وە.
ئێستاو ئایندەی کورد لە (باکوورو ڕۆژئاواو باشوورو ڕۆژهەڵات) ی کوردستان ، تاریک ترو ونتر دەکەن. [1]
=KTML_Bold=ئەم بابەتە بە ڕێنووسی سەرچاوەی ئاماژەپێکراو نووسراوە کوردیپێدیا بەهیچ شێوازێک دەستکاری نەکردووە=KTML_End=