پرا عەنزەل ( پرا سەڵاتێ )
پرا سەڵاتێ جهەکێ پیرۆزە ل پەرەستگەها #لالش#، هەر وەسا ب ناڤێ پرا عەنزەل ژی دهێت نیاسین و پرا عەنزەل ناڤێ هەرە کەڤنارە، پرا سەلاتێ ئانکو پرا سەڕا تێ و هەر وەسا پرا عەنزەل ئانکو پرا ئەزەلی ڕامان و واتایا وێ پرا دەربازبوونێ، هەر کەسەکێ ئێزدی دەمێ قەستا لالش دکەت پێتڤیە ل دەستپێکێ قەستا ڤی جهێ پیرۆز بکەن و خوە پێخواس بکەن و سێ جاران ب بازدان ( غاردان ) بچن و بهێن و لێ زیارەتی بن، د باوەریا ئێزدیا دە ئەو کەسە ڕوحا خوە ژ گونەها پاقژ دکەت پاشی ژنو دەربازی ناڤ پەرەستگەها لالش ( جهێ خاس و قەلەندەرا ) یا پیروز دبیت، د دەمێ نهۆ دا گەلەک کەس ڤان ڕێنمایا خەلەت بکاردئینن دەمێ ژ لالش ڤەدگەڕن ل دوماهیکێ ژنو سەرەدانا پرا سەڵاتێ دکەن د باوەریا زانایێن ئاینێ ئێزدیان دە ئەڤە کارەکێ خەلەتە و ب هیچ ڕەنگەکی ئەڤ کریارە دروست نینە یا دروست ئەوە ل دەستپێکێ سەرەدانا پرا سەڵاتێ بکەی پشتی ڕوحا خوە پاقژ دکەی ژنو دەربازی پەرەستگەهێ بن و لبەر خاس و چاکا زیارەتی بن و هیڤی و دوعایا ب ڕوحەکا پاقژ ژ خودێ بخوازن و ب ئاناهیا خودێ هیڤی و داخواز وان دێ هێنە جهێ خۆ، هەروەسا د باوەریا ئێزدیان دا پرا عەنزەل کەڤنترین پرە ل سەر ڕویێ ئەردی و دەرگەهەکە بۆ چوونا بەهشتێ بۆ هەر کەسێ ئێزدی یێ خودان باوەری و ئیمان بت د رێیا ئاین خوە دا دێ لسەر رێکا پرا سەڵاتێ رە دەربازی بەهشتێ بیت وەکی د سەبەقا قەولی دا دیار
پرا سەڵاتێ وەکا مووە
خودان ئیمان و ئەرکان هاتن بلەز تێرا دەرباز بووە
بێ خۆف و بێ باوەر هاتن و تێوەر بووە
رامانا ڤێ سەبەقێ ئەوە کەسێن باوەریا وان ب خودێ بهێت دی بلەز د پرا سەڵاتێ ڕا دەربازی بەهشتێ بن، و کەسێن بێ ترس و باوەری وان ب خودێ نەهێت دێ تێوەر بن ب رامانا دەربازی بەهشتێ نابن. [1]
Dieser Artikel wurde in (کرمانجی - کوردیی سەروو) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dieser Artikel wurde bereits 752 mal angesehen
Schreiben Sie Ihren Kommentar zu diesem Artikel!