سەواتا خێر هۆرامیەکا
نویستەی: #کۆیار ڕەئوف#
سەوات خێر هۆرامان، سەواتا خێر هۆرامیەکاو هۆرامانی و جەهانی ، هەمیشە بەوەەشی ڕۊ کەردېو ، بەوەشی ڕۊو ڕۊزگارتا بەرڎۍ سەر ، بەهۆۆ تەکنەلۆژیایۆ دونیا بېیېنە بە دەگێوە گولانۍ، کە گرد کەس گرد لېوە تاوۆ ڕسم و ئایاگەیە وینۆ کە گەرەکشا ، تاوۆ ئاگۊرانیا بژنەوۆ کە حەزش چەنەشا ، ڤیدیۆ ئایاگێ تەماشە کەرۊ کە گەرەکشاو حەزش چەنەشا، تاوۆ بە ڕاسته و زۆ بە شێوەی زیننە ئایاگێ وینۆ کە دڵش ئارەزوش کەرۊ ، ئاکەسەیە وینۆ کە وەشس مشیۊ ، بەڵام هەرگیز ئێ چېوێ وەشی مەبەخشا پاکەسەیە کە جارا پەنەش بەخشێ ، ئاوەختە کە تەکنەلۆژیا نەبۍ م یان ئاوەشیەشە نېیا پسە ئانەیە کە وېت چایاگێنە بی کە بەتەکنەلۆژیا وینیش ، هیچ ڕسم و ڤیدیۆو نامەی نوسیتەیو نامەی دەنگی ئا تامو چێژشە نېیا کە چەنی کەسی ویت و وەشەویسی ویت نزیکۆ ئەنجامش مدەی ، تەکنەلۆژیا چېوەکېش ئاسانێ کەردێنێ بەڵام وەشەویسیش کەم کەردەنۆ ، جارا کەسېوت گرد ڕوێ دیێ ڕو بەڕو بېزار نەبینی چەنەش ئیسە تەکنەلۆژیانە ڕەنگای ڕوێو جارێو کەسېوی وینی یان ڕسمش وینی وەشەویسی جارانیش نەبۊ ، ماچا ئانێ لادەگانە ژیوا وەشبەخت تەرینی کەسەکانێ چوونکە گرد چېوشا سروشتیا ، ئاو هەواو پەیوەندی و وەشەویسی و وارده و هتد.
داخ پەی ئاوەشەویسیه و جارانی کە نەک قۆمەکێ و نزیکەکێ بەتەنیا بەڵکو هامسێکێ بېشا پەی یەکتری، چی نەمەن ئاوەشەویسیە ، چی نەمەن ئا سەردایو تێکەڵ بېیەیە کە هەرگیز مەتاوی پێناسەش کەری ، داخ پەی ئادڵسافیەی کە جارا خەڵک بېش ، چی نەمەن ئا دڵسافی و دڵپایه و جارا ، چی نەمەن ئا متمانە بەیۆبېیەیه و جارا، چی نەمەن ئا دڵتەنگ بېیەیە پەی یەکتری ، چی نەمەن ئا کاسە تێکەڵیه و جارا ، چی نەمەن ئا هامکاری و هەرمانە دەستە جەمعیێ کە مانیای خەڵکو لادەگای حەسنێوە، ڕاسا ژیوای پاسشە پەنە ئامان کە گردکەس مشیۊ پەی دەس ئاردەی ژیوێوی شایستەی وېش ماننۆ ، گرد ڕوێ هەرمانە کەرۊ ، بەڵام خۊ بەشو ئانەیە تاومۍکەمېو جەوەشەویسیەکه و جارا دروس کەرمۍ ، خۆتاومۍهەفتانە سەردان و ئاکەسا کەرمۍ نزیکېنۍ ، تاومۍمانگانە سەردانو ئاکەسا کەرمۍ کە نېیەنێ شارەکەمانە یان لادەگاکەمانە خۆتاومۍساڵانە سەردانو ئاکەسا کە ڕمێ کە چن وڵاتېو دورێنێ چەنەما، خۊ تاومۍساڵانە ڕوێو یان چن ڕوێ دیاری کەرمۍ پسه و کۆبېیەیۆ خەڵک و دەگێکێ پەی زیاتەر ئەشناساو خەڵکو دەگێکێ بەیەکتری ، بەداخەوە ده گێوە پسه و بە ڵخەی ئا جیلە کە یۆتینشا ئەشناسان و وەشەویسی بېیەن بەینشانە، ئیسە کناچۍشا و کوڕشا یان شوشا کەردەن یان ژەنیشا ئاوردێنە و تەنیا وېشا یۆترینی مشناسا زاڕۆڵەکېشئ یۆی مەشناسا، داخ پەی ئا وەختەیە کە تەمەن 70 ساڵەکێ نەوه و فره و خەڵک و دەگێکێ ئەشناسێنێ .
با گردیما پێوە وەشەویسی دروس که ڕمێ بەینو یۆترینېیەنە و بەوەشی یۆترینی دڵوەشێ بیمێو ، دڵوەش کەردەی یۆترینی کریۆ بە قسێوەی وەشەبۊ یان بە زەدەخەنێوبۊ یان بە گۊرانیېوەبۊ بە هامکاری گولانەبۊ .
هەمیشە وەشیەنە بیدێ .[1]
Dieser Artikel wurde in (هەورامی - Kurdish Hawrami) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئی بابەتۍ بە زۋانی (هەورامی - Kurdish Hawrami) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Dieser Artikel wurde bereits 58 mal angesehen
Schreiben Sie Ihren Kommentar zu diesem Artikel!