سېیاو و چەرمە جە یۊی جېیا نمەکەرۊوە

ئی ئیدیومۍ پەی بڕێ کەسا بەکارمێ دلۍ چن بارێ جېیاوازینە، خەڵکۍ چامنۍ هەنۍ فرە گېل و گاوارېنۍ، ڕاس و چەپو وېشان جە یۊی جېیانمەکەراوە، بۍ ئاوەزېنۍ، نمەتاوان سەرنجە بڎان چواردۆریشان، ئەقڵشان نمەوزان هەرمانە.
بڕێ تەرۍ هەنۍ کەسە خاس و خرابەکا جە یۊی جېیانمەکەراوە، بە یەک چەم تەماشەو خەڵکی کەران، زیرەکیشان سنووردارەن، پەی نمونەی دلۍ پارتێ سېیاسینە، یام دلۍ ڕېکۋزیێ کۊمەڵینە تېکەڵەن جە خەڵکە خاس و خرابەکا، هەنۍتەنیا پەی سوودێ مادی ئامێنۍ دلۍ، یام پەی هەواڵ گېرتەی پەی لایێ تەری، بەڵام وەرپەرسو پارتەکەی، یام ڕېکۋزیاکەی تەواناو هۊرسەنگناو ئەڼامەکاش نېیەنە، نمەتاوۊ گوفتار و ڕەفتاریشان بوانۊوە، خاس و خرابشان جە یۊی جیابکەرۊوە.
سېیاو و چەرمە دلۍ فەرهەنگو ئېمەو فرەو میللەتەکا دنیێنە وېنایېوەن پەی خراپی و خاسی، ڕەنگەی چەرمۍ ڕۊشنەنە، کەسە عالەکۍ و دڵپاکەکېش پەنە وېنا کریێنۍ، ڕەنگەی سېیاوە تاریکەنە، کەسە خراپۍ و دەروون تاریکەکېش پەنە وېنا کریێنێ.[1]