#بافڵ تاڵەبانی#، سەرۆکی #یەکێتیی نیشتمانیی کوردستان# لە #قەڵاچوالان# سەردانی بارەگای ئاژانسی پاراستن و زانیاری/زانیاریی کرد و لەلایەن جەلال شێخ ناجی، سەرۆکی ئاژانسەوە پێشوازیلێکرا.
لە کۆبوونەوەکەدا جەلال شێخ ناجی ئەرک و بەرپرسیارییەتییە نیشتمانییەکانی ئاژانسەکەی لە ڕاپۆرتێکدا خستەڕوو و ڕایگەیاند، لە چوارچێوەی یاسا بەرکارەکاندا ئەرکە هەواڵگرییەکانمان جێبەجێ دەکەین و هەموو هەوڵێکمان لەپێناو پاراستنی سەقامگیریی هەرێم و دەستەبەرکردنی ژیانێکی ئارامە بۆ خەڵکە خۆشەویستەکەمان.
لە درێژەی کۆبوونەوەکەدا بافڵ تاڵەبانی ستایشی ڕۆڵ و پێگەی جەلال شێخ ناجی، سەرۆکی ئاژانسی پاراستن و زانیاری/زانیاریی کرد کە دڵسۆزانە ئەرک و بەرپرسیارییەتییەکانی ڕاپەڕاندووە، هاوکات پێزانینی بۆ ماندووبوونی ئەفسەران و کارمەندانی ئاژانس دەربڕی لە بەرانبەر پاراستنی ئاساییشی هەرێم و هەموو ئەو پرسانەی پەیوەستن بە ئارامیی هاووڵاتییانەوە و ڕایگەیاند، مایەی شانازییە بەبێ جیاوازی و دوور لە لایەنگریی سیاسی ئەرکەکانتان ڕادەپەڕێنن و هەوڵەکانتان لەپێناو هەموو خەڵکی کوردستاندایە، ئەمەش شێوازە درووستەکەی کارکردنی ئێوەیە و ئێمەش بە هەموو شێوەیەک پشتیوانتان دەبین. [1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 208 mal angesehen