ڕوەو نەبېیەی سېیاوە
ئیدیۆمێن پەی خەڵکی و بە کەسی نمەواچیۊ، بەڵکوم کەسەکە بە وېش ماچۊش، وەروو وېشەرە، یام وەختێ چەنی کەسێ مدران.
ئی ئیدیومۍ زیاتەر جە وەختو قەرز کەردەینە واچیۊ، پەی نمونەی کەسێ ملۊ پەی لاو دۊسێش، پەرمۊ پۊرەشو داواو مەبلەغێ زەڕیش چەنە مەکەرۊن، دۊسەکەیچش چا عانەنە ئیمکانش نېیەن، یام زەڕ نېیەن وەردەسشەنە، پەی ئانەی وەردەمو ڕەفېقەکەیشەنە خەجاڵەتی نەکېشۊن، ماچۊ ڕوەو نەبېیەی سېیاوە.
بېیەی و نەبېیەی بەرکۆتۍ مەعنەویېنۍ، مادیۍ نېیەنۍ، بەڵام کەسەکە ڕۊحشان پۊرە کەرۊن و ڕوو سېیاویشان پەنە ماچۊن.
چن بارێ تەرەنە بەکارماریۊن، پەی نمونەی کەسێ دارا جە ماڵ و سەروەت و سامان، بە هەر هۊکارێ نەدار مەگنۊ، تەواناو چارەو گرفتەکانو وېش نېیەنەش، ئانۍ هەکە مشناساش دوورۆ ماچان: ئیسە ڕوەو نەبېیەی سیاوە بۊ، ئڼا ئا گرفتۍ ئامێنۍ وەرۆ، وەڵتەر هەکە داراو و تېر و تەسەل بۍ، بە ئاسانی چارەشان کەرۍ.[1]
Dieser Artikel wurde in (هەورامی) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Dieser Artikel wurde bereits 374 mal angesehen
Schreiben Sie Ihren Kommentar zu diesem Artikel!