دۆرو موزیکی دلۍ سیستەمو پەروەردەینە
زاڕۆی ساوا بە جۊرێو جە لاونایەو ئەڎایش ئارام بۊوە و وەرمش پۊرە گنۆ. هەرپاسە بە جۊریوەیچ جە لاونایەو خوۊ و وەشحاڵبۊ. ئارۊ جە وەڵاتە وەڵکەوتەکانە و جە فێرگەکانە وانێو هەن بە نامۍ وانەو موزیکی. ئی وانە جیا چانەیەبۊ بە هۆکاروو وچانێ هزری فێرکارا جە عانوو وانای ڕوانەیشانە، بۊ بە هۆکاروو بە هېزبېیەی پێوەنڎیە کۊمەڵایەتیەکایچ و ھۆروەزنای توانایی پێوەنڎیگېرتەی فێروازەکایچ. پەی سەلەمنای ئی ئێدێعای پەیچۆریەو درێژماوە جە چن فێرگای سەرەتاییێ شاروو بێرلینی جە وەڵاتوو ئاڵمانی ئەنجام دریا. چا ماوەنە وانەو موزیکی فرەتەر کریا و بە بەردەوامی لوا ڕاوە و زاڕۆڵێ فرێ بەشداریشا کەرد. جە کۆتایی ماوەو پەیجۊریەکەینە بەرکەوت کە ژمارەو ئا زاڕۆلا کە وەڵتەر پەراوێز کریەنێ و هاماڵێشا کەمێ بێنێ، فرە کەمتەرەو بی. هەرپاسە ڕېژەو هۆرزووکەوتی توندووتێژانەیچ چا فێرگایانە فرە ئامارە واری.
.موختار کەریمی.[1]
Dieser Artikel wurde in (هەورامی) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Dieser Artikel wurde bereits 129 mal angesehen