ناو: ڕەسوڵ
نازناو: مامۆستا مەلا ڕەسوڵ
ناوی باوک: حاجی وسو زەنگڵ
ساڵی لەدایکبوون: 1920
ڕۆژی کۆچی دوایی: #17-09-2002#
$ژیاننامە$
مامۆستا ‎مەلا ڕەسوڵ حاجی وسو زەنگڵ، لە ساڵی 1920 لەدایک بووە و دانیشتوی ناوچەی #سەنگەسەر# بووە، و لە ڕۆژی 17-09-2002 لە تەمەنی 82 ساڵیدا کۆچی دوایی کردووە.
‎چەندین ساڵ بەبێ هیچ لەبەرچاو گرتنێکی مادی و بەرانبەرێک، ئیمامی مزگەوتی گەورەی سەنگەسەر بووە، من وەک مەلا ڕەسوڵ بابەکر زەنگڵ کە خەتیبی مزگەوتی گەورەبووم، زۆر لەخزمەتی دابووم دڵم پێی ئارامی دەگرت. ڕۆژ لە دوای ڕۆژ ئاکار و سیفەتە جوانەکانی حاجی مامۆستا دەردەکەوتن، کە خاوەنی چەندین سیفەتی بەرز و جوان بوو لەوانە، خاوەنی عەقیدە و ئەخلاقێکی جوان و ڕەسەن بوو، هەروەها خاوەن هەیبەت و ویقار بوو، کە هەرگیز تەنازولی بۆ هیچ هێز و دەسەڵاتێک نەدەکرد، جگە لەوەش لە سەخاوەتیدا وەکوو (حاتەمی تەی) بوو، و کێ خزمەتی ئیسلامی کردبا خۆشی دەویست و ئاواتی سەرکەوتنی موسڵمانان بوو.
‎لە یادمە لە هەشتاکان خانو و دیوەخانێکی گەورە و فراوانی هەبوو کە هەمیشە پڕ بوو لە میوان، کە میوانداری چەندین فەقیر و هەژاری تێدا دەکرد، و چەندین جار هۆدەیەکی پێشکەش بە کەسانی کەم دەرامەت و هەژار دەکرد و خواردن و خواردنەوەی بۆ ئەو کەسانە ئامادە دەکرد کە لە مزگەوت دەمانەوە و بێ ماڵ و حاڵ بوون، هەروەها دوو برای بچووکتری هەبوو کە خزمەتی ئەوانیشی دەکرد.
‎ماڵی مامۆستا مەلا ڕەسوڵ دەتوت کەشتی نوحە، ئەوکاتە محەمەدی کوڕی تووشی نەخۆشی نەبوبوو پیاوێکی عاقڵ و هۆشیار و کاسپکار و دەست بەخێر بوو، هەروەها دەوری ئامینە خانی خێزانی کاک محەمەد لەگەڵ دایکی مەلا ژنە فاتم نادیدە ناگیرێت، کە وەکوو چرای ماڵ وابوون بۆ ئاوەدانی ئەو ماڵە.
‎هەروەها سیفەتێکی تری حاجی مامۆستا کە زۆر جوان، ئەوە بوو کە بە نهێنی خێرەکانی ئەنجام دەدا و نەیدەهێشت خەڵک پێی بزانێت، ئاگام لێ بوو چەند ماڵە هەتیوێک هەبوون لە شارەکەدا، کە خەرجییانی خستبۆیە ئەستۆی خۆی و هەموو جەژنێک جلوبەرگی جوانی بۆ دەکڕین، سوپاس بۆ خوا نەوە و نەتیجەیەکی باشی جێ هێشتوە لە کوڕ و لە کچ کە ئەهلی خێرن، وەک (کامەران، عەبدولڕەحمان، ڕزگار، ئەحمەد). [1] [2]