#ئالان حەمەسەعید# وەزیری پەروەردەی #حکومەتی هەرێمی کوردستان# داوای لە مامۆستایان کرد، بایکۆتی کار نەکەن.
ئالان حەمەسەعید، ئەمڕۆ ڕێکەوتی #10-09-2023# لەمیانی لێدوانێکی ڕۆژنامەوانی لەبارەی کێشە داراییەکانی نێوان #هەولێر# و بەغدا قسەی کرد و ڕایگەیاند، هەرێمی کوردستان هەموو پابەندییەکانی یاسای بودجەی جێبەجێکردووە.
وەزیری پەروەردە ڕاشیگەیاند، بە پێی یاسا شایستەی هەرێم لە بودجەی 2023 بریتییە لە 16 ترلیۆن و 498 ملیار دینار، بەڵام ئەوەی لە سەرەتای ئەمساڵەوە 2023 بە ئێمە گەیشتووە تەنیا سێ ترلیۆن و 598 ملیار دینار بووە لەو بڕەش 400 ملیار دیناری هیی مانگی 11 و 12ی ساڵی ڕابردوو بووە، کەواتە سێ ترلیۆن و 198 ملیار دیناری ئەمساڵ ڕەوانە کراوە.
ئەو ڕوونیکردەوە، ئێستا ڕێکەوتی 10-09-2023 ئەگەر بەغدا 500 ملیار دینارەکەش بنێرێت، هێشتا بەشی مووچە ناکات، چونکە داهاتی ناوخۆی هەرێمی کوردستان 320 ملیار دینارە، بەڵام بۆ مووچەی مانگانە زیاتر لە 906 ملیار دینار پێویستە.
وەزیری پەروەردە ئەوەشی ڕاگەیاند، هەرێمی کوردستان ڕووبەڕووی ستەم بووەتەوە و داواشی لە مامۆستایان کرد بایکۆت نەکەن و جەختیشیکردەوە، دوای ناخۆشی خۆشی دێت و بە ئیرادەوە ئەو دۆخە سەختەش تێدەپەڕێت. [1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 362 mal angesehen
Schreiben Sie Ihren Kommentar zu diesem Artikel!