سەرەش دا تەۋەنۍ
بڕێ بە نام شارەزێ ئیدیۆم و پەندە کوردیا، پاسە شەرحەو ئی ئیدیومۍ کەران هەکە کابرا تەۋەی دریۊ سەرەش جە وەختو جەنگ و جڵەبەینە، بەڵام ئانە هەڵەن، چونکوم هەم مانای ڕووکەشییە، هەم مانای نادیارەو ئیدیۆمەکۍ سەرە کېشتەی تەۋەنېرەن، نەک تەۋەن ماڵای سەرەرە.
ئی ئیدیومۍ بە کەسێ ماچیۊن کە قسۍ گولېش کەردېبا، یام بە بۍ هیچ بەڵگێوە داواو بەشۍ کەرۊن، یام هەڕەشۍ کەرۊن ئەو کەسێ.
پەی نموونەی چن کەسێ پېوەرە خەریکۍ واتە و گۊشگېرتەینۍ، یۊشان ماچۊ فڵانە کەسی پاسشە وات، یام فڵانە کەس داواو زەڕۍ کەرۍ، یۊ جە ئەرەنیشتەکاچ ماچۊ: سەرەش داش تەۋەنی، با هەر پەی وېش قسۍ کەرۊن.
سەرە دای تەۋەنی، ڕەنگە مەخسەڎشا دلۍ قەبرۍ بۊن، وەختێ کەس و کار، مەردەکەی جیامازان، دلۍ قەبرەکېنە هۊرزۊوەو سەرەش ماڵۊ تەۋەنەو ئەلحەڎیرە، یانی قسۍ کابرای ئانەی مەیاونۊ کە مەر بە مەردەی داواکېش بەی دی، یام مەخسەڎش تەۋەنەی گۆرېنە، پېسە واتەنشا سەرەش دا تەۋەنە سەختەکا هۆرامانی.[1]