یەکێتی ناوەندی شەتڕەنجی ئێراق بە هاوکاری لقی یەکێتییەکەی لە شاری ئەنبار قۆناغی یەکەمی پاڵەوانێتی شەتڕەنجی یاریزانانی یانەکانی ئێراقی دەستپێکرد.
ئەو پاڵەوانێتییە کە تایبەتە بە دیاری کردنی پێنج کوڕ و پێنج کچە یاریزان بۆ قۆناغی دووەمی پاڵەوانێتییەکە تێیداو شەش یاریزانی بیرمەندی پێشمەرگە لە ڕکابەریدان بۆ گەیشتن بە قۆناغی دووەم، ئەمه و سەبارەت بە ئەنجام دانی پاڵەوانێتییەکە، ئەسعەد ئیسماعیل سەرپەرشتیاری گشتی بەشی شەتڕەنجی یانەی پێشمەرگە لە لێدوانێکی تایبەت بە پێشمەرگە سپۆرت وتی، تیپەکەمان هەمیشە بە ئاست و ئەنجام لە پێشەنگی یانەکانی ئێراق دا بوون ئەوەش لەسەر ئاستی تاکی یاریزانانمان ڕەنگی داوەتەوە، ئەسعەد وتیشی، ئەم پاڵەوانێتییە لەسەر ئاستی تاکە و 46 یاریزانی کوڕ و 14 یاریزانی کچ لە ڕکابەریدان بۆ گەیشتن بە قۆناغی دووەم کە یارییەکانی لە ڕێکەوتی (09تا15- 09-2023)بەردەوامی دەبێت.
سەرپەرشتیاری بەشی شەتڕەنجی یانەی پێشمەرگە ئاماژەی بەوەشدا کە هەریەک لە یاریزانان (زۆزگ سەڵاح، ئاکار عەلی، ڕەوەند حامید، ئەحمەد جەزا، ڕێباز ناسر و ڕەوەند عومەر) یاریزانانی یانەی پێشمەرگە و شاری سلێمانی نوێنەرایەتیمان دەکەن بۆ دەست کەوتنی بلیتی پێشەنگ بوون و گەیشتن بە یارییەکانی قۆناغی دووەم کە لەو قۆناغەدا 10 یاریزانی کوڕان و 10 یاریزانی کچان یاری دەکەن بۆ دیاری کردنی هەڵبژاردەی ئێراق لەسەر هەردوو ئاست.
[1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 261 mal angesehen
Schreiben Sie Ihren Kommentar zu diesem Artikel!