میانجی دوۍ کەرگاش پەنە نمەکریۊ
بڕێ کەسۍ هەنۍ خاوەن دەسەڵات، هەم کەسی بېیەی، دلۍ خەڵکینە یاگېشا هەنەو پېسە کارەکتەرێ ژڵېوی و چارەکەری بەرمەگنا، گرفتو میانو خەڵکی حەل کەران، خەڵکی پەی کۊشنارەی ئایېرو میانیشان چڕاشان و داواو میانگیریشان چەنە کەران، ئاڎییچۍ بە حیکمەت و تەوانایی و ئاقڵی وېشان ملانە دلۍ گرفتەکاو چارەشان کەران.
بە پېچەوانۆ چڼەها کەسۍ تەرۍ هەنۍ بۍ دەسەڵاتېنۍ، ئازێ نېیەنۍ، دەم و پلشان نېیەن، پەی هیچ چارەسەرێ دەردە نمەوەران. گەر قۊمیێوە خېزیۊ، جبەرۆ مدران، پېسە واتەنشا: فەقیرۍ یانەو وېشانۍ، قەڎیمی واتەن شاخو بزێشا پەنە تیمار نمەکریۊ.
هەر پەوکەی ژەنەکاشا، یام خەڵکی تەری پەنە واتېنۍ سوڵحەو دوۍ زارۊڵاشا، یام میانجی دۋۍ کەرگاشا پەنە نمەکریۊ.
بڕێ جارېچ پەی شۊخی و وەشی دوۍ ڕەفېقۍ بە یۊترنیش ماچان، پېسە تالېقێ، یام سوعبەتێ نەک بە ڕاسی، یۊشا بەوی تەریشان ماچۊ بە خوڎا برا تۊ دەردەو هیچی نمەوەری، سوڵحەو دوۍ زارۊڵات پەنە نمەکریۊ.[1]