ناونیشانی بابەت: سلێمانى.. بارەگاى مەلیک مەحموود دەکرێتە مۆزەخانەیەکى مێژوویى
ئامادەکردنی: #هەڵمەت بتوێنی#
بەڕێوەبەرى شوێنەوار و کەلەپوورى #سلێمانى# ڕایگەیاند، بڕیارە بارەگاى #مەلیک مەحموود# نۆژەن بکرێتەوە و دواتر بکرێتە مۆزەخانەیەکى مێژوویى.
حسێن حەمە غەریب، بەڕێوەبەرى شوێنەوار و کەلەپوورى سلێمانى، بە (باسکورد) ى ڕاگەیاند: یاداشتی لێکتێگەیشتنمان لەگەڵ ڕێکخراوی گەشەپێدانی مەدەنییەت واژوو کردووە، کە دوای تەواوبوونی نۆژەنکردنەوەى بارەگاى مەلیک مەحموود، لە ئاییندەیەکی نزیکدا لەلایەن ڕێکخراوەکەوە بکرێتە مۆزەخانەیەکی مێژوویی گرنگ.
وتیشى: مۆزەخانەکە نمایشی ئەو بەڵگەنامانەی تێدا دەکرێت، کە پەیوەستن بە سەردەمى مەلیک مەحموود و حوکمڕانانى ئەوکاتى کورد و ئینگلیزەکان.
باسى لەوەش کرد: ئەو بارەگایە موڵکى شوێنەوارى سلێمانییە و کارى بەڕێوەبردنەکە دەدرێتە ئەو ڕێکخراوە، بە چاودێریى ئێمە، ئەوەش گرنگیى تایبەتى خۆى دەبێت و دەکرێتە ناوەندێکى گەشتیاریى شوێنەوارى و ڕۆڵى دەبێت لە ڕاکێشانى گەشتیارانى بیانى بۆ مۆزەخانەکە.[1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 302 mal angesehen
Schreiben Sie Ihren Kommentar zu diesem Artikel!