نامۍ: سورخاب بەگ
نازنام: ئەردەڵانی
نامۊ تاتەی: مەئمون بەگی یەکەم
$ژیۋاینامە$
سورخاب بەگی ئەردەڵانی
سورخاب بەگ، دواڼزەهەمین میرو ئەردەڵانەکان. وەختێ مەئمون بەگی دوەم جە ئەستەنبووڵ قۊڵبەس کریا، سورخاب بەگ کوڕو مەئمون بەی یەکەمی کە مامۊ مەئمون بەگو دوەمین، وەختێ پانەیشە زانا، ساڵەو (945 ک) بە وېش و لەشکەرۍوە پەلامارەو مەملەکەتو ئەردەڵانەکاش دا، گردو کوردەسانیش ئاردەنە چېرو سایەو دەسەڵاتو وېش، دەربازەو نامە فاڕایۆ و گۊشوادایش پەی پاشاو سەفەویەکا (شاتەهماسب) کەردۆ. سەرو کەشۍ بەرزو ناوجو مەریوانیۆ قەڵێوە پتەوەو مەحکەمەش بنیڎە نېیا پەی سەروەختو تەنگانەی. وەختێ دەسەڵاو عوسماای پانەیشا زانا، مەئمون بەکی دوەمش زیڼانەنە ئازاڎ کەرد، چەنی (محەمەڎ بەکی) برا گولانەو سورخاب بەگی بە سی هەزار چەکدارېوە بە فرمانداری (ڕوسەم پاشا) ی کېیاستېش پەی وېرانکەردەی کوردەسانی کە موڵکو (سورخاب بەگ) ی بۍ. ساڵەو (947 ک) سوپاو عوسمای یاوا شارەزوور، سورخاب بەگیچ بە هەشت هەزارۍ سوارېوە لوانە مێڎانو جەنگی، ڕۊ پەنج شەممەی، مانگەو 24 مانگەو ڕەجەبی هەر دوە لەشکەر لوێ گژۍ یۊیرە، نزیکەو یەک حەفتەی جەنگ درېژەش کېشت، حۆت هەزار کەسۍ جە عوسمانیەکاو یەرۍ هەزارۍ جە سوپاو کوردی کوشیێ، چەکدارە کوردەکۍ لوێنە دلۍ قەڵاو زەڵمی، وېشان قاییم کەرد. عوسمانیەکۍ پەی ماوەو دوۍ ساڵا تۊقەو قەڵاکېشا دا، بەڵام نەتاواشا هیچ زەرەرێ بېیاونا پەنەشان.
شاتەهماسبی عەجەمی وەختێ پینەیشە زانا پاڼزە هەزار چەکدارۍ و یورېش کیاستی پەی کۊمەکو (سورحاب بەگی) ، سورخاب بەگو سوپاکېش دلۍ قەڵاکېنە زیێرە، پېوەرە پەلامارەو لەشکەرو عوسماایشا دا، ماڕېشا، دلۍ خاکو کوردەسانینە بەرشا کەردۍ.
ئەسعەد ڕەشید.[1]
Dieser Artikel wurde in (هەورامی) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Dieser Artikel wurde bereits 188 mal angesehen
Schreiben Sie Ihren Kommentar zu diesem Artikel!