بە مەبەستی ئەنجامدانی دوا یارییەکانیان لە خولی پلە یەکی تۆپی پێی تازەپێگەیشتووان و لاوانی ئێراق، هەردوو تیمی تازەپێگەیشتووان و لاوانی یانەی پێشمەرگە دەچنە شاری #بەغدا#.
لیژنەی پێشبڕکێکان لە یەکێتی ناوەندی تۆپی پێی ئێراق کاتی بەڕێوەچوونی هەردوو یاری ئاستەکانی تازەپێگەیشتووان و لاوانی خولی پلە یەکی دیاری کردوو بڕیاری دا لە ڕۆژی هەینی ڕێکەوتی #27-10-2023# یاری کۆتایی خولی تازەپێگەیشتووان ئەنجام بدات لەسەر یاریگەی تاجی، ئەمە و لەو یاریەدا، تیمی تازەپێگەیشتووانی یانەکانی پێشمەرگە و مینا ڕووبەڕووی یەک دەبنەوە و براوەیان جامی پاشای لەسەر دەنێت، هەرچی لە ڕۆژی شەممە ڕێکەوتی (28)ی هەمان مانگ دەبێت لەسەر هەمان یاریگە لاوانی یانەکانی پێشمەرگە و بەحری بۆ جامی کۆتایی بە یەک دەگەن.
سەبارەت بە یارییەکانی کۆتاییان، و سام محەمەد بازگ سەرپەرشتیاری گشتی تیپەکانی تۆپی پێی یانەی پێشمەرگە بە پێشمەرگە سپۆرتی ڕاگەیاند کە ئەوان ئامادەکاری زۆر باشیان هەیە و لە دوایی کۆتاهاتنی یارییەکانیان لە قۆناغی چوارگۆشەی زێڕین و قۆناغی شەش تیمی تازەپێگەیشتووان و لاوان هەردوو تیمەکەیان بەردەوام لە مەشقدا بوون و بە گرنگی دەزانن دووبارە لە شاری بەغداوە زەنگی سەرکەوتن لێبدەن و جامەکان بەدەست بهێنن بیگێڕنەوە شاری #سلێمانی#. [1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 166 mal angesehen