تێکستێکی تۆزلێنیشتووم
نازانم ساڵی چەند نووسیومە و بەڕێکەوت بینیمەوە...
نامەکانت وەک جارانی
تەزو ناهێنن بە لەشما
ئیتر فرمێسک ڕیز نابەستێت
لەکانیاوی چاوی گەشما...
جاری جاران کاتێک دەرگات
بەسەر ڕووا دا ئەخستم
لە پێکەنینت ئەخستم
بەڵام ئێستا
چەشنی ئەوەی ڕێبوارێک بیت
یان سەرابێ
یان شەپۆلی کەنارێک بیت...
بێیت یان نەیەیت
هەبیت یان نا
هیچ ناگۆڕێ
لە پاش ئەوەی
زمانت بە ڕوما پژا و
متمانەمت نایە گۆڕێ...
تەمەنێکم بۆ ڕێ کردیت
بە ئازار و ئەندێشەوە
بەڵام ئێستاکە مەجبوور نیم
بیگوزەرێنم بەو ئێشەوە ...
زۆرکەس هەبوو وەکو پاشا
ئەیڕوانی لێم
چەپکە عومری پێزانینیان خستە بەر پێم ..
منی لوت بەرز ئاوڕم لێ نەدانەوە
شەوێک
دڵی شکاوم هەر نەدانەوە...
ئێستەش خەتا لە تۆ ناگرم
قەولی خوایە ئەبێ وابێ
باجی خەفەت هەر بە خەمە و
هەق کۆن نابێ ...
ناوی نووسەر: #بەڵێن سەنگاوی# [1]
Dieser Artikel wurde in (کوردیی ناوەڕاست - Central Kurdish) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 113 mal angesehen
Schreiben Sie Ihren Kommentar zu diesem Artikel!