ئێستا لە کوێی؟
دڵم ئەڵێت
وای لە دوو توێی
جێگایەکدایت
ئەوەی ساردە
تەنیا دڵتە
ئەوەی گەرمە
بەس گریانی پڕ لە کوڵتە ...
شەو ناروا لێت
خەیاڵ ئەتبات و دێیتەوە
تا بەیانی
هەر ناوی من ئەڵێیتەوە
، ئەکولێیتەوە .....ئەتلێیتەوە .
زامت زۆرە و کەسێ نییە
تێبگا لێت
وا دەزانی کە خۆشببەختی
جارێکیتر نایەتە ڕێت ...
من ئەمانەم لەبەر چاو بوو
هاتم وتم
توخوا مەرۆ
من و خۆشت مەخەرە ناو
گۆمی تەنگی گریانەوە
خۆ پێم وتی
تەمەنی دوور
تەواو نابێ
بە ئازارو پارانەوە ...
تۆ پێت وتم
ئەرۆم ئەرۆم
لەو کاتەوە
وەک ئێستای تۆم
لە خۆم ئەخۆم
وەک تاوانێکم کردبێ
هەر بۆ عەزاب ماومەتەوە
ڕووم مەبینە پێ ئەکەنم
لە ناخا تواومەتەوە ...
فەرمو گوڵێ
دەرئەنجامی وردە شەرو
دو قسەی ڕەق
بۆ کوێی بردین
چی پێ کردین
نایەتەوە زەمەن کە ڕۆی نایەتەوە
گەڵا زەردبێ ، ناروێتەوە
منی زەرد و
تۆی تێپەریو
نە لێک ئەگەن
نە پێک ئەگەن
باری قورسی نائارامیت
بنێ شانت
هیچ ناکرێ
بۆ ئەو دڵەو کە شکانم
بۆ ئەو دڵەم
کە ئێشانت
ئەگەر تەمەن بێتە دواوە
گیانم هەڵبەت
نە جارێ تر تورە ئەبم
نە بێ منەت
ئەمە تەوقی گروتینی گەنجێتیمە
ئەمە باجی زەمەنی بێ منەتیمە
تازە ڕۆیی
ڕابێ بێ من
هەتا ڕابێم لە بێ تۆییی
تازە ڕۆییی ... تازە ڕۆیی.
ناوی نووسەر: #بەڵێن سەنگاوی# [1]
Dieser Artikel wurde in (کوردیی ناوەڕاست - Central Kurdish) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 121 mal angesehen
Schreiben Sie Ihren Kommentar zu diesem Artikel!