دوای بڕیاری دابڕانمان
چێژ نابینم لە ئێوارە
بێتاقەتی دایپۆشیوم
ڕۆحم لەگیانم بێزارە
نێوان ئێمەو دڵداریمان
وەکو کوردوو بەڵێن وابوو
باسی دوریو لێکترازان
لە مابەینی ئێمە کوا بوو؟
دەست بۆ هەرچی ئەبەم یادە
ئەچمە هەرکوێ تۆم لێدیوە
تۆ پارچەکەی تری خۆمیت
ئێستا چۆن ئەژیم بە نیوە
بۆ ڕێکەوت ناکا بتبینم
بشکێ تاسەی ئەم چەند وەختە
نازانم بێمروەتی تۆیە
چارەنوسە یاخود بەختە
لەوڕۆژەوەی دابڕاوین
چاو ئەگێڕم تا هەنوکە
ئای لە درۆی ئەوکەسانەی
دەڵێن ئەم شارە بچوکە ...
بە خاتری منیش نەبێت
لەبەر یادی ئەم چەند ساڵە
بەڵکو لوتفێ بکەیتو بێیت
نەجاتمبدەیت لەم حاڵە.
ناوی نووسەر: #بەڵێن سەنگاوی# [1]
Dieser Artikel wurde in (کوردیی ناوەڕاست - Central Kurdish) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 117 mal angesehen
Schreiben Sie Ihren Kommentar zu diesem Artikel!