گەڵا نەما
بە درەختی تەمەنەوە
بزە نەما
بەسەر لێوی زەمەنەوە..
جەژنی چیم لێ پیرۆز ئەکەیت
ساڵی چیم پڕ لە سۆز ئەکەیت؟
هەر ساڵێک کە تێ ئەپەڕێ
خشتێک
لە بینای عومرم دەرئەچێت
ئاخۆ لە کام ژمارەدا
کێکی تەمەن بەسەر ئەچێت !!!
نازانم
بۆیە بەستراوە زمانم ...
ساڵی نوێ
چەند کەس ئەنوێ
چەند خەبەری ئەبێتەوە ؟
چەند داری خۆزگە بەر ئەگرێ
چەند بەستەڵەک ئەتوێتەوە ؟
چەند ئادەمی تر ئەکوژرێ
چەند هەتیو ڕەق ئەبێتەوە !
چەند مناڵ ڕا ئەچڵەکێ
بە دەنگی یاری ئاگرین
چەند خوێن مژ دێتە بوون و
چەند برسی تر بە کوڵ ئەگرین؟؟؟!!!
دەڵێن
ساڵ بە ساڵ
خۆزگەم بە پار
بڵێی ئەمجار
هەمان مار
بمانگەزێ ؟؟؟
ڕەزەکان هەر ئەسوتێن ؟؟؟
مناڵەکان
دارو بەردی جەنگەکان
ئەکەن بە نوێن ؟؟؟
باوکەکان سەری هەفتان
یادی تەرم و تابوت ئەکەن ؟؟؟
کچەکان لە بری گوڵ
دیسان بۆنی باروت ئەکەن ؟
دایکەکان
دیسان ئەگرین ؟
براکانم
ئەناڵێنن لە سوێی برین؟
گەر هەمان چیرۆکت پێیە
گەر باسەکەت درێژەی
مەینەتییەکانی دوێنێیە
با ئەم هەنگاوە نەهێین
بهێڵە با لێرە بمرین
بێزاربوین ڕۆژێ سەرچۆپی و
ڕۆژی دواتر پرسە بگرین ...
بهێڵە با لێرە بمرین ..
ناوی نووسەر: #بەڵێن سەنگاوی# [1]
Dieser Artikel wurde in (کوردیی ناوەڕاست - Central Kurdish) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 107 mal angesehen
Schreiben Sie Ihren Kommentar zu diesem Artikel!