ئەشێ بە ڕوو
میهرەبانبم
دەنگم نەرم و خوێنم گەرم و
تۆزێک جوانبم..
ئەشێ قەڵەمەکەی دەستم
بوکی خوێنشرینی هەستم
بەدەمتەوە پێکەنیبێ
تەزوو موچورکی هەڵبەستم
دڵی ناسکتی تەنیبێ ...
بەڵام بەخوا ،
دایم وا نیم
منیش گەلێک جار مۆنەبم
با بۆت باسکەم کە چۆنەبم ...
زۆرجار توڕەم
یەک تۆزیش لەو پیاوە ناکەم
کە لە شیعرا دەرئەکەوم
زۆرجار مانو ترسنۆکم
یەک تۆزیش بەو پیاوە ناکەم
کە بە کێوا سەر ئەکەوم ...
بەوێنەی هەر پیاوێکی تر
جارجارە دەنگم گڕ ئەبێت
بەرچاوم لێڵ، خوێن لە دەمارما سڕ ئەبێت
بەڕادەیەک
شت ئەشکێنم ...
هەرچی ئەکەی ئاشق مەبە
ئەو نازدارو ناسکۆڵە نیم کە ئەمبینی
کە گڕی قینم دا گیرسا
خۆت ناگری لەبەر تینی...
تکا ئەکەم ئاشق مەبە
ئەوین خەمو ئێشی هەیە
لە عەشقدا
هەمو شتێک کێشی هەیە
تۆبەرگەی ئەو خەمە ناگریت ...
ڕونتر بڵێم
منیش ئەو بەهەشتەنیم
تێیگەیویت
گوڵێ تۆ ئێستا مەیویت ...
هەرچی بڵێم بڕوا ناکەیت.
ناوی نووسەر: #بەڵێن سەنگاوی# [1]
Dieser Artikel wurde in (کوردیی ناوەڕاست - Central Kurdish) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 126 mal angesehen
Schreiben Sie Ihren Kommentar zu diesem Artikel!