خەمی سبەی
شەو تاریکە
لێم ڕوون نییە سبەی
ئاسۆ ئاخۆ وا لێڵ ئەبی؟
یاخود بەرەو کوێمان ئەبەی؟
ئەم زرمەو تەقە تۆ بێژە
هەر وا ئەبێ؟
شینی ئەوێ ئا خۆ سبەی دێتە ئێرەو
خۆر لای ئێمە ئاوا ئەبێ؟
ئەدی ناکرێ ئێرەو ئەوێ
بسڕێتەوە لە فەرهەنگا؟
ناکرێ ببینە دوو گوللە
لە مەغزەنی یەک تفەنگا؟
بۆ لەوێ ڕشبەڵک بێ و
لێرە شین
بۆ لێرە قاربێ و
لەوێ قین...!
نابێ هەردوو
لە یەک ڕیزدا دەست بگرین؟
نە بۆ دەوڵەت ئۆخەیمانکرد
نە بۆ ئاسودەیی هەرێم
دڵت بەچی خۆشە هاوڕێم؟
برایەکەت سەرشۆڕکرد لە بەرچاوی بێگانەدا؟
ئەی تۆ کاکە
ئەم برایانەت نغرۆ کرد لە تەپو تۆزی تانەدا؟
ئەی بێ نەوا
تۆش تفەنگەکەت فڕێدە
تفکانت قووت بدەوەو
دەست لە ملی
هاوزمانەکەت گرێدە...
ئەگەر سبەی نەبون بە یەک
ئەوکات دەمت پڕکە لە تف
گەر لە یەک ڕیزدا نەوەستان
هەرچییان کرد تۆ بڵێ پف...
کە بوون بەیەک
کە یەک ئاڵا شەکایەوە لە بری دە
ئاوکات تەقە بکەن برا
ئەوە تەقەی حەقی کوردە.
ناوی نووسەر: #بەڵێن سەنگاوی# [1]
Dieser Artikel wurde in (کوردیی ناوەڕاست - Central Kurdish) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 110 mal angesehen
Schreiben Sie Ihren Kommentar zu diesem Artikel!