سەرۆکى هەرێمى کوردستان لەسەر بانگهێشتی پادشای بەریتانیا و سەرۆکی ئیمارات، لە چوارچێوەی کۆنفرانسی گۆڕانی کەشوهەوا لە دوبەی، بەشداریی لە ڕێوڕەسمێکی تایبەتدا دەکات.
ئێوارەى ئەمڕۆ پێنجشەممە #30-11-2023#، #نێچیرڤان بارزانى#، سەرۆکى هەرێمى کوردستان، لە دوبەى لەسەر بانگهێشتى هاوبەشى شا چارڵزى سێیەم، پادشاى شانشینى یەکگرتووی بەریتانیا و شێخ محەمەد بن زاید ئال نەهیان، سەرۆکى ئیمارات، لەگەڵ سەرۆک و سەرکردەى وڵاتان، بەشدارى لە ڕێوڕەسمێکى تایبەتى پێشوازیى ژمارەیەک لە سەرکردەى وڵاتان و بەشدارانى کۆنفرانسى نەتەوە یەکگرتووەکان بۆ گۆڕانى کەشوهەوا (COP28) دا کرد.
ڕێوڕەسمەکە بۆ کردنەوەى کۆڕبەندى کارى خێرخوازى و گۆڕانى کەشوهەوایە کە لەگەڵ کارەکانى (COP28) دا، لەلایەن سەرۆکایەتیى ئیمارات بۆ کۆنفرانس و دەسپێشخەریى بازاڕى بەردەوامەوه، ساز دەکرێت. ژمارەیەک لە سەرۆک و سەرکردەى ئەو وڵاتانە و میوانان بانگهێشتى ڕێوڕەسمى ئەم ئێوارەیە کراون کە سبەى بەشدارى لە کۆبوونەوەکانى لووتکەى دوو ڕۆژى یەکەمى کۆنفرانسەکەدا دەکەن.
ئەمڕۆ پێنجشەممە 30-11-2023، نێچیرڤان بارزانى، سەرۆکى هەرێمى کوردستان، لەسەر بانگهێشتى فەرمیى شێخ محەمەد بن زاید ئال نەهیان، سەرۆکى ئیمارات و بۆ بەشداریکردن لە کۆنفرانسى نەتەوە یەکگرتووەکان بۆ گۆڕانى کەشوهەوا (COP28)، گەیشتە شاری دوبەى.
ڕێوڕەسمەکە لەگەڵ کردنەوەى (COP28) دا دێت کە ئەمڕۆ 30-11-2023 بە بەشداریی سەرۆک و سەرکردەى وڵاتان و میوانانى باڵا و شارەزایان دەستپێدەکات و تا #12-12-2023# بەردەوام دەبێت. تێیدا وڵاتان و نەتەوە یەکگرتووەکان و ئاژانس و ڕێکخراوەکانى ئەم بوارە و کەرتى تایبەت، لێکۆڵینەوە و گفتوگۆ دەربارەى هەڕەشە و مەترسییەکانى گۆڕانى کەشوهەوا و پلان و ڕێکارەکانى ڕووبەڕووبوونەوەیان لەسەر ئاستى جیهان، دەکەن. [1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 172 mal angesehen
Schreiben Sie Ihren Kommentar zu diesem Artikel!