ئەمڕۆ چوارشەممە #15-11-2023#، #مەسرور بارزانى#، سەرۆکى #حکومەتی هەرێمى کوردستان#، پێشوازى لە ڤۆلکەر پێرتس، سەرۆکى تیمى سەربەخۆى پێداچوونەوەى ستراتیژى بە ئەرکى نێردەى نەتەوە یەکگرتووەکان لە ئێراق (یونامی UNAMI) کرد.
سەرۆکی تیمەکە تیشکی خستە سەر ئامانجی سەردانەکەی کە هەڵسەنگاندنی ئەرک و کارەکانى تیمى نێردەى نەتەوە یەکگرتووەکانە لە ئێراق (UNAMI).
سەرۆکی حکومەت جەختی لە پێویستیى مانەوەی ئەرکی یونامی لە ئێراق و هەرێمی کوردستان و گرنگیی کاراتربوونی ڕۆڵە سیاسییەکەی کرد بۆ یارمەتیدانی ئێراق و هەرێمی کوردستان لەپێناو ڕووبەڕووبوونەوەی ئاستەنگ و ئاڵنگارییەکان و سەقامگیریی سیاسی و پتەوکردنی بنەما و دامەزراوە دیموکراتییەکان و پاڵپشتی سیستەمی فیدراڵی و جێبەجێکردنی ماددەکانی دەستوور، بە تایبەتیی ماددەی 140 و ڕێزگرتن و پاراستنی مافە دەستوورییەکانی گەلی کوردستان و گشت پێکهاتەکانی ئێراق. [1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 176 mal angesehen