هەس یام ئیحساسو کورد بېیەی
یۆ چا هەڵا کە جە پەیجۊری تاریخیەنە فرە گنۆ وەروو چەما، ئانەنە کە ڕوەداوەکاو سەردەمو ۋېیەردەی بە زێهنییەتوو ئارۊو وېماوە بوانمێوە و ڕیوایەت بکەرمۍ. بە تایبەت فرە باوا کە بە زێهڼیەتوو ناسیۆنالیسم یا ناوچەگەراییۆ بڏیەیمێ پەی ۋیەردەی. ئېمە پەی وێپارێزنای چی هەڵەیە باسوو چەمکێوی بە نامۍ(ئێحساسوو کورد بېیەی)ما کەردەن. مەبەستما نەوعێو خۆداکاتێ و ئێحساسی هامبەشی وەڵ جە سەرهۊردای ناسیۆنالیسمیا کە دمای سەرهۊردای ناسیۆنالیسمی بېیەن بە ئامیانوو ناسیۆنالیسم یا نەتەوەگەرایی مۆدێڕنی. یۊ جە نموونەکاو ئی (ئێحساسە هامبەش)یە قازی عەبدۆڵڵای شەیدای جە کتېبوو (تاریخ سلاطین هورامان)یەنە تۆمار کەردەن. جە (1868 ز)یەنە، فەرهاد میرزا هېزێوی گەورەش پەی هێرش بەردەی سەرو هۆرامانی گلێر کەردەو کە بێجگە تورک و تاجیکەکاو سوپاو قاجاری، بڕېو کوردێش چنە بێنێ کە جە یاگە جیاوازەکاو قەلمڕەو ئەردەڵانی پېسە سەقز، بانە، مەریوان و کۊماسی و ژاوەرۆیۆ گلێرێ کریەیبێنە. به واتەو شەیدای وەختێو (تورکەکێ)و سوپاو قاجاری نزیک بۍ دەسشا بېیاوۆ بە ژەن و زارۆڵەو هۆرامیەکا، کوردەکێ غیرەتی گېرتێ و ڕاشا پەی نەجاتوو خەڵکەکەی وەشە کەردە.
مۆدەررێس سەعیدی.[1]
Dieser Artikel wurde in (هەورامی - Kurdish Hawrami) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئی بابەتۍ بە زۋانی (هەورامی - Kurdish Hawrami) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Dieser Artikel wurde bereits 100 mal angesehen
Schreiben Sie Ihren Kommentar zu diesem Artikel!