بەیانیى ئەمڕۆ یەکشەممە، #14-01-2024# بەڕێز #نێچیرڤان بارزانى#، سەرۆکى هەرێمى کوردستان، لە #بەغدا# لەگەڵ بەڕێز د. عەبدول #لەتیف ڕەشید# سەرۆک کۆمارى ئێراقى فیدراڵى کۆبووەوە.
لە کۆبوونەوەکەدا دۆخى سیاسى و ئەمنیى ئێراق و هەرێمى کوردستان، پەیوەندییەکانى #هەولێر#-بەغدا و گفتوگۆکانى چارەسەرکردنى کێشەکانیان، دوایین پێشهاتەکانى ناوچەکە و کاریگەرى و لێکەوتەکانى، تاوتوێ کران.
هەردوولا جەختیان لە پێویستیى چارەسەرکردنى کێشەکانى هەولێر-بەغدا لەسەر بنەماى دەستوور و ناردنى شایستە داراییەکان و بودجە و مووچەى هەرێمى کوردستان و بەردەوامیى گفتوگۆى #حکومەتی هەرێمی کوردستان# و حکوومەتى ئێراقى فیدراڵى بۆ ئەو مەبەستە کردەوە، هەروەها هاوڕا بوون کە نابێ ژیان و گوزەرانى خەڵکى هەرێمى کوردستان تێکەڵ بە کێشە سیاسییەکان بکرێت.
دەربارەى ئاڵۆزییەکانى ناوچەکە و ئەگەر و لێکەوتەکانیشى، دووپاتیان کردەوە کە دەبێت ئێراق نەخزێتە ناو ئاڵۆزییەکانى ناوچەکەوە و هەموو لایەک کار بکەن بۆ پاراستنى بەرژەوەندیى باڵا و ئارامى و سەقامگیریی وڵات و دوورگرتنى لە هەر ئاشووب و ئاڵۆزییەک. [1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 208 mal angesehen
Schreiben Sie Ihren Kommentar zu diesem Artikel!