ئەمڕۆ چوارشەممە #24-01-2024#، بە ئامادەبوونی #ئومێد خۆشناو#، پارێزگاری #هەولێر# و چوەی وەی، باڵیۆزی کۆماری میللی چین لە ئێراق و جەعفەر ئیمنکی، بەرپرسی بەشی پەیوەندیی گشتیی پارتی و دابان شەدەڵە، جێگری بەرپرسی فەرمانگەی پەیوەندییەکانی دەرەوەی حکوومەتی هەرێم و ئاراس حەسۆ میرخان، بەرپرسی وەبەرهێنان و پڕۆژەکانی پارتی و لیو جیون، کونسڵی کۆماری میللی چین لە هەولێر و عەیز وەیسی، فەرماندەی فەرماندەیی هێزەکانی زێرەڤانی و ژمارەیەکی تر لە بەرپرسانی حزبی و حکوومی و سەربازی و وەبەرهێنەر و بازرگان و پیاوانی کار، لە ڕێوڕەسمێکدا لەنێو کونسڵخانەی هەولێری کۆماری میللی چین سەنتەری پێدانی ڤیزای چین کرایەوە.
لە ڕێوڕەسمەکەدا، پارێزگاری هەولێر، وێڕای دڵنیاکردنەوەی لە پتەوکردنی پەیوەندییەکانی نێوان هەرێمی کوردستان و وڵاتی چین، بە تایبەتیی پەیوەندییە بازرگانی و پیشەسازییەکان، کردنەوەی ئەم سەنتەرەی لە شاری هەولێر بە گرنگ وەسفکردوو و دەست خۆشی لە باڵیۆزخانە و کونسڵخانەی وڵاتی چین کرد بۆ کردنەوەی سەنتەرەکە، کە ئامانج لێی ئاسانکارییە بۆ هاووڵاتییان، گەشتیاران و بازرگانان و وەبەرهێنەران، لەوبارەیەشەوە وتی: کردنەوەی سەنتەری پێدانی ڤیزای چین لە هەولێر زۆر گرنگە بەلامانەوە، داواکاری ئێمە هەمیشە لە دیدارەکەنمان جەختکردنەوە بوو بۆ کردنەوەی، لە بەر ئەوەی لە پێشوتردا، دەبوایە هاووڵاتییان بۆ وەرگرتنی ڤیزا سەردانی #بەغدا# یان ئیستەنبولیان بکردبا، بەڵام ئێستا لە هەولێری پایتەخت و بەڕێگەی ئۆنڵاینیش دەتوانن ڤیزای وڵاتی چین وەربگرن.
جێگەی باسە، سەنتەری پێدانی ڤیزای چین ناوەندێکی فەرمی ئەو وڵاتەیە و هاووڵاتییان و دانیشتووانی هەرێمی کوردستان دەتوانن داواکاری وەرگرتنی ڤیزا پێشکەش بکەن. [1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 283 mal angesehen
Schreiben Sie Ihren Kommentar zu diesem Artikel!