بەڕێوەبەری شارەدێی #کەڵەکچی# سەربە شارۆچکەی #شێخان# وتی: لە سنووری شارەدێی کەلەکچی یاریگایەکی وەرزشی و پارکێکی خێزانی بە گوژمەی 2 ملیار و 600 ملیۆن دینار جێبەجێ دەکرێن.
ھەڤال محەمەد شەریف، بەڕێوەبەری شارەدێی کەلەکچی، بۆ ماڵپەڕی فەرمیی #پارتی دیموکراتی کوردستان# وتی: یاریگایەک لەسەر بودجەی #حکومەتی ھەرێمی کوردستان# لە شارەدێی کەلەکچی درووستکراوە، ئێستا #28-01-2024# تەنیا ئیدارە و ڕووناکی و شوێنی دانیشتنی ھاندەران ماوە تەواو بکرێت ئەوەی دیکە ھەمووی تەواوکراوە، دوو کۆمپانیا جێبەجێی دەکەن بەشی یەکەم تەواو بووە کە یاریگاکەیە بە گوژمەی 900 ملیۆن دینار و بەشی دووەم ئیدارە و ڕووناکی و شوێنی ھاندەرانە ئەویش ئێستا لە قۆناغی جێبەجێکردن دایە بە گوژمەی 500 ملیۆن دینار و لە ماوەیەکی کەمدا ئەویش تەواو دەبێت و دەکەوێتە خزمەت وەرزشوانانی شارەدێی کەلەکچی.
ھەڤال محەمەد شەریف وتیشی: بڕیارە پارکێکی گەورەش لە شارەدێی کەلەکچی بە گوژمەی ملیارێک و 200 ملیۆن دینار درووست بکرێت، زەویشمان تەرخانکردووە و دەرخستەش ئامادەیە، تەنیا ماوە ڕەزامەندی بدرێت و دەست بە جێبەجێکردنی بکرێت. [1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 133 mal angesehen