گەمەکانى ژێرەوە
هەردەم لە بنەوەى پێکەنیندا
گریانێکى لاڵ هەیە و بزە دەکا
هەردەم لە بنەوەى گریاندا
پێکەنینێکى بێدەنگ هەیە و بزە دەکا
هەمیشە لە بنەوەى ڕەشبینى
تیشکى گەشبینیێکى
درەوشاوە هەیە و بزە دەکا
هەمیشە لە بنەوەى گەشبینى
تیشکى ڕەشبینیێکى
تاریک تاریک هەیە و بزە دەکا
هەمیشە لە بنەوەى ناخدا
ژیانێک هەیە گاڵتە بە مردن دەکا
بەڵام بۆ هەمیشەیی لە بنى بنەوەى ناخەوە
مردنێکى حەقیقى هەیە، گاڵتە بە ژیان دەکا.
ناوی نووسەر: #زانا خەلیل# [1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 111 mal angesehen
Schreiben Sie Ihren Kommentar zu diesem Artikel!