دیدار
لەنێوان من و تۆدا
دوو قاوەی تاڵ و
ڕۆژنامەیەکی فەرامۆشکراو
ئەتەوێ پەنجەیەکت لە مشتمدا جێبهێڵیت ؟
بە مووگناتیسی ڕوانینت
جووڵەی لێوەکانت بگەیەنیتە زاکیرەی پەرتوو بڵاوم ؟
لە نێوان من و تۆدا
بایەکی سارد ... عاتیفە ناگەیەنێت
لە فەزای نێوانماندا
دەنگ دەشکێ و
وشەکانت ئەوەرێنە تەپڵەکی جگەرەکەوە
.... تەنها بۆنیکراسەکەت
پاییز دێنێتە وجودمەوە و
پاشماوەی ئازارلەسەرمدا جێدەهێڵێت
بە حەجمی سەرسوڕمان و
هەنگاوە بێدەنگاکانی تاریکی
ونم دەکەی لەخۆتاو
لەتوپەت بەسەر ئەسفەلتی نائومێدیدا
با ئەم دیدارە بپێچینەوە بۆ نیشتمانی داهاتوو
تا ئەو کاتەی سێبەری دڵەڕاوکێمان
لەسەر دەسماڵی ڕۆژگار
...کۆماندەکاتەوە
2011 - هۆڵندا
ناوی نووسەر: #کەژاڵ ئیسماعیل عەبدوڵڵا#. [1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 204 mal angesehen
Schreiben Sie Ihren Kommentar zu diesem Artikel!