هەرنەهاتی
نەبووی بە هاوپۆلی قۆناغی
سەرەتاییم
تا نیوەڕۆیەکی ساردی زستان
ژێر چەترێک کۆمان کاتەوە
لە ترسی ڕێژنەی باران
نەبووی بە شاژنی
خەونە ئاڵ و واڵاکانی هەرزەکاریم
تا لەسەر پشتی ئەسپێکی سەرشێت
بۆ؛ دوورترین دووری
قووڵترین قوڵایی ئاسمان
بتڕفێنم
لە شەوانی سەرماو سۆڵەی زستاندا
چاوەڕوان بووم
نەهاتی
تا بە یادی منداڵی
لە هەڵمی سەر مینای پەنجەرەکە
چەند پیتێکی سادە بنەخشێنین
وا خەزانی تەمەنمە و
هەر نەهاتی
لە ژێر سێبەری دارسنۆبەرێکدا
هەناسەمان
تێکەڵی کزەبایەکی بەیانیان بکەین
هەر نەهاتی
لە گەڵا وەریوەکان
ماڵێک بۆ تەنیاییمان چێ بکەین
هەر نەهاتی
ناوی نووسەر: #مستەفا نادر# [1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 118 mal angesehen
Schreiben Sie Ihren Kommentar zu diesem Artikel!