ڕەنگاو ڕەنگ
(1)
دەلاقەیەکی برسی،
چاو دائەگرێ لەنانێک
ماڵێکی هەژار
(2)
شەو هەراسان دەبێت،
تاریکی کەڕ و لاڵ
چەنەبازی سیسرکێک
(3)
نێچیرەکان ڕاو دەکرێن،
بە چنینی ماڵێک
تەونی جاڵجاڵۆکە
(4)
پێدەشت و با
گۆرانییەک دەچڕن،
کەروێشکەی گیا
(5)
درەخت هەڵدەپاچن،
چڵەکان دەپژمن
ناسنامەی قەفەسێک
(6)
گوڵی ڕەنگاو ڕەنگ ئەدا لەپرچی،
دەبنە ماڵی پەپوولە
تەسریحەی ژنێک
(7)
دارلاسیکێکی عەجول،
درەختێکی سور پۆش کرد
ڕیشۆڵەیەکی شەهید
(8)
لە بەهاردا خۆی نمایش دەکا،
حەوت جۆگەلەی ڕەنگاو ڕەنگ
پەلکە زێڕینە
(9)
دارستانێکی مۆمیا،
باڵندەکانی چرچ و لۆچ،
تابلۆیەکی سوریالی
(10)
وردە وردە پیاسە دەکا،
لە ڕوبارەکەشدا دەفڕێت
کیسەڵێکی پیر
(11)
لەناو جانتاکەیا دەنوێت،
ماکیاج و ئاوێنە
فەنتازیایی کچێک
(12)
نەخۆش دەکەوێت بە لەتێک تیشک،
جەستەی دەبێتە تنۆک
پەتای بەفر
(13)
لەناو گەڵاکانا مەلە دەکا،
درەخت دەژەنێ
تاڵێک چۆلەکە
(14)
بە بێرییە سەوزەکانیان،
گۆمەکەکە دەخەنە پێکەنین
وەرزشی بۆقەکان
(15)
ماڵەکەیان ڕادەخەن،
بەدەنکە گەنم
پاشەکەوتی مێروولە
(16)
(با) خامۆش دەکەن،
خۆڵەمێش دەکەنە بالیف
خەرمانێک خەڵوز
ناوی نووسەر: #ڕۆژ هەڵەبجەیی# [1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 185 mal angesehen
Schreiben Sie Ihren Kommentar zu diesem Artikel!