لە دیدارێکدا دوایین پەرەسەندنە سیاسییەکانی ناوچەکە تاوتوێکران و جەخت لە بەردەوامیی لێکتێگەیشتنی نێوان هێز و لایەنەسیاسییەکان کرایەوە بە ئامانجی چارەسەرکردنی کێشەکان و سەرخستنی پڕۆسەی سیاسی لە وڵاتدا و هەڵبژاردنی سەرۆکی نوێی ئەنجوومەنی نوێنەران بەپێی ڕێکارە دەستووریی و یاساییەکان و ئەنجامی هەڵبژاردن و ڕێککەوتنە سیاسییەکان.
لە درێژەی دیدارەکەدا پابەندبوون بە دەستوور و ڕێککەوتنە سیاسییەکان دووپاتکرایەوە لەپێناو تێپەڕاندنی بەربەستەکان و گەیشتن بە ئەنجامێکی ئەرێنی لەبارەی ئیدارەدانی #کەرکووک# و تەواوکردنی ڕێکارە یاساییەکان، بەشێوەیەک هەموو هەوڵەکان لە چوارچێوەی خزمەتکردنی کەرکووک و دانیشتووانەکەیدا بێت بەبێ جیاوازی.
بافڵ جەلال تاڵەبانی جەختی لە بەردەوامیی گفتوگۆکان و هەنگاوی بەرپرسیارانە کرد بۆ بەدیهێنانی بەرژەوەندییە باڵاکان و داوای کرد، هەموو لایەک لەپێناو بەرژەوەندییە هاوبەش و باڵاکاندا نەرمی بنوێنن و هەموو هەوڵەکان بە ئاڕاستەی خزمەتکردنی خەڵک و ژیانێکی سەقامگیرتر بێت. [1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 103 mal angesehen
Schreiben Sie Ihren Kommentar zu diesem Artikel!