درۊزنە شیۋەنکەرۍ هەڵەبجەی
نوستەی: #ئاکۆ مارانی#
درۊزنە شیۋەنکەرۍ هەڵەبجەی کەمۍ نېیەنۍ، کە بەس چی ڕۊنە و پەی لایکا و فۆڵەوەیا تیمساحانە هەڵسی مجا ...
پەی کەسانېۋی (16-03-1988ز) جە هەڵەبجە و خورماڵ و شارەزۇر بېیېنۍ، یان ئازیزېشا چاگە بېیېنۍ و کیمیاکوشۍ کریێنۍ، (هەڵەبجە و ڕۊ 16و ئازاری) ۋاتای تەرەشا هەنە و مەنۊ
پا جۊرە، کە ۋەرەبەیانو (16-03-1988ز)ی دەمو ۋینای وەرمە ناوەشاۋە وەرمم زڕیابۍ، گرڎ ساڵېۋ و ئی ۋەرەبەیانێچە دەمو لیتەو وەرماۋە من چڵاکیانېراوە و یۊ بە یۊ ، یېۋە بە یېۋە هامسێ و هاپۊلۍ و یاۋەرۍ و دۇکاندارەکۍ و تەنانەت ئا سەربازېچە، کە ڕۊ (13-05-1987ز) لاو مزگی (دارالإحسان)ینە ڕوەو ئېمە تەقە کەرېنۍ، گرڎ پېسەو دیمەنا فیلمېۋی جەنگیی یاڎۍ کۆتېۋە.
ئانە بۍ، ئېمە ناچار ڕەمامۍ و ئازیزۍ بېگېیان-کۆتېما چاگە جېیێمەنۍ، ئاڎۍ چاگە کیمیاکوشۍ کریێ و ئېمە پەی دېیەی نەهامەتییەکا ئی ڕۊزگارەیە جېیێمەنیمۍ؛ ئېمە بریندارۍ چەکی کیمیایی پاشماوە/ۋەرمەنۍ نېیەنمۍ؛ ئېمە جە کومەڵکوشی-کریای ئازیزاما جېیێمەنیمۍ.[1]
Dieser Artikel wurde in (هەورامی) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Dieser Artikel wurde bereits 179 mal angesehen
Schreiben Sie Ihren Kommentar zu diesem Artikel!