ژەنی، پەروەردە و گەشەی فەرهەنگیی
ڕۆو 23و سیاوکاموو (1402)ی کۆچی ڕۆجیاریی، نیشتێوە گەشاوەزانە بە نامونیشانوو(ژەنی، پەروەردە و گەشەی فەرهەنگیی) جە هۆڵەو کۆنفرنسەکاو ئێدارەو فەرهەنگ و ڕانموونی مەریوانېیەنە لوا ڕاوە.
چی نیشتەنە خاتوو (سارا شەریفی) پېسەو خانمێوە ئاوەزمەڼێ و ئاکادیمیێ، باسێوە سەردەمیانەش بە میتودی زانستی، سەرو ئەرک و کاریگەریو ژەنێ جە پەروەردە و گەشەی فەرهەنگیەنە پېشکەش کەرد. باسەکە جە ڕەهەندی دەروونشاسیەوە و سەرو لایەنە گاریگەر بیەکاو ژەنێ جە دەرەتانوو پەروەردەی و ڕاوەبەردەی خېزانی و هەرپاسە پارێزنای و گەشەدای بە زوانی ئەڎایی و فەرهەنگی ئەتنیکی وزیا وەروو سەرەنجێ.
دماتەر دەرفەت دریا بە بەشدارا تاکو پەیلوای وېشا سەرو بابەتەکەی وزا ڕوە و پەرسێوەشابۊ، درکناش. ئی بەشیچە جە لاو بڕېو جە بەشدار بیە بەڕېزەکاوە و بەتایبەت پسپۆڕاو ئا بواریەوە پېشوازیش چنە کریا.
کومیتەو کتېب و ئەندیشەی، جە ڕاستاو برەودای بە دەرەتانوو گەشاوەزیی و گەشەو هووشېیاریی کۊمەڵایەتی، هەرجارێو دەرفەتێوە پەی باسێوە تایبەتی کەرۊوە.[1]
Dieser Artikel wurde in (هەورامی) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Dieser Artikel wurde bereits 113 mal angesehen
Schreiben Sie Ihren Kommentar zu diesem Artikel!