چاوخڵەتێنە
هۆ خەڵکینە!
چاو کەنەوە
ئەو هەورانە
هەرچەند سەر لە ئاسمان ئەسوێن
قسرن، بارانیان پێ نییە
تۆزی بەرپێی
ئەسپی لەشکەری هۆلاکۆن!
بڕوا مەکەن...
هەرچەند لە ئاو
لەباران و بەهار ئەدوێن
بڕوا مەکەن...
تەم و مژی چاو خڵەتێنەی بەری ئاسۆن!
کێڵگە تینوو
هەور نەزۆک
دەریاش سوێرە!
ڕێگە دوور و
ئاو تراویلکە
چاوساغ کوێرە
شەو درێژە
ئەنگوستەچاوی نووتەکە
گەردەلوولە، تەمە، مژە
چاو تا بەر پێ، هەتەر ناکا
ئەو ئەستێرە هانمان دەدا
کاروانکوژە
سەرچاوە: #زڕەی زنجیری وشە دیلەکان# [1]
هۆزانەوان: #جەلال مەلەکشا#
سەرچاوەی دەق: ڤەژینبوکس [2]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 53 mal angesehen
Schreiben Sie Ihren Kommentar zu diesem Artikel!