دار بە پوازو وېش نەبۊ نمەقڵیشیۊ
پواز، تەختە زوانێوە گولانەن، پارچەو داریەن، مەوزاش دلۍ قڵیشەو درەختی تاکو یۊنەگېرۊوە. هەر ئا پوازە بەکارش ماران پەی قڵیشنای داری، بە تەۋەر قڵیشێ کەرا دارەکەی، پوازەکەش منیانە، بە تەۋەرەکەی مڎان پوازەکەی، ئینجا یاگەکېش فاڕاوە، کوچێ سەرتەرۆ دیسان مەوزاش دلۍ قڵیشێ تەرۍ، وەرە وەرەی ملان سەر تاکو دارەکە بە تەمامی مەقڵیشیۊو مەبۊن بە دۋۍ کوتۍ. پېسە ئیدیۆمێ بەکارئامان پەی ئا کەسا هەکە خیانەت مەکەران بە قۆماشان، ئا کەسۍ هەکە خاک و نیشتمانو وېشان تەسلیمو بېگانەی مەکەران. واتەنشان دار بە پوازو وېش نەبۊ نمەقڵیشیۊ، دیارەن پواز بەشێ گولانەن جە درەختەکەی، هەر ئاڎیچی منیان دلۍ قڵیشەکېش و دارەکەی شەقکەرۊن. ئەچېگەنە میللەت و نیشتیمان وېناکریان پا درەختە ڕیشەدارەیە، هەکە بە چن پارچە پوازێ گولانۍ، کە چن کەسێ خیانەتکارېنۍ، دارەکەی، یام نیشتیمانەکەی شەق کەران.[1]
Dieser Artikel wurde in (هەورامی) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Dieser Artikel wurde bereits 28 mal angesehen
Schreiben Sie Ihren Kommentar zu diesem Artikel!