ڕۆخانە یان عوزێم ڕووبارێکە لە ئێراق کە لە چیاکانی زاگرۆسەوە سەرچاوە دەگرێت لە پارێزگای #سلێمانی# و دوای 230کیلۆمەتر (140 میل) لە (34٫002°N 44.293°E)، نزیکەی 30کیلۆمەتر (19 میل) لە خوارووی سامەڕا دەڕژێتە ڕووباری دیجلەوە. چیاکانی #قەرەداغ# و شوان بە سەرچاوە سەرەکی ئاوی لقەکانی ئەم ڕووبارە وەرزییە دادەنرێت.
ئەم ڕووبارە لە سێ لقی وەرزی پێک دێت، ئەوانیش: #ڕووباری خاسە# کە بە ناو شاری #کەرکووک# دا تێپەڕ دەبێت سەرچاوەی ئەم لقە لە شارۆچکەی #چەمچەماڵ# و شارەدێی شوانەوە سەرچاوە دەگرێت. چەمی (تاوغ) کە بە شاری (داقووق)دا تێپەڕ دەبێت، سەرچاوەی ئەم چۆمە لە شارۆچکەی بازیان، شارۆچکەی قەرەداغ، شارەدێی سەنگاو و شارەدێی شۆڕشە تاوەکوو سنووری شارەدێی قادرکەرەم ناوی چەمی باسەڕەیە. چەمی (ئاوەسپی) کە بە شاری (دووزخورماتوو)دا تێپەڕ دەبێت، سەرچاوەی ئەم لقە لە شارەدێی سەنگاو و شارەدێی ئاوەسپییە. دواتر عوزێم (ڕۆخانە) لە باشووری سامەڕاوە دەڕژێتە ڕووباری دیجلەوە.
لە ناوچە کوردنشینەکان ناوی ڕۆخانەیە و لە ناوچە عەرەبنشینەکان ناوی عوزێمە.
درێژەی ئەم زێیە (230کم)ە، تێکڕای داھاتی ئاوی ساڵانە دەگاتە (0٬7ملیار/ مەتر سێجا)، بە ڕێژەی (2٪)بەشداری لەپێک ھێنانی ئاوی دیجلە دەکات.[1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 31 mal angesehen
Schreiben Sie Ihren Kommentar zu diesem Artikel!