کورد دلۍ چەرخەکا تاریخینە
بەشۍ: دوەسەڎ و نەوەڎ و چوارەمە
نویستەی: #هاوڕێ باخەوان#
ساڵەو (1921ز.):
* مانگەو (03) ئی ساڵېنە، مێجەرسۆن بی بە فەرمانڕەواو سلېمانی.
* تاریخو (#13-03-1921#ز.) پێمانێ میانو داگیرکەری تورکی و ئیتالیای بەسیان، بەپاو ئا پێماڼامەیە ئیتالیا قەرارشدا دلۍ ناوچەو ئەنادۆڵینە بکېشیۊوە وەراوەر بە چن دەسکۆتێ دارایی.
* تاریخو (#14-03-1921#ز.) کەمالییەکۍ جە ئەنقەرە بڕیارو جەنگی سەرتاسەریشاندا دژو پېشمەرگەکا کورڎی.
* تاریخو (#16-03-1921#ز.) شوورەوی و داگیرکەری تورکی پێمانو هامڕایی و هامکاریشان مۊرەکەرد، بەپاو ئا پێمانەیە شوورەوی چەک و کەرەسەی جەنگی بەردەوام بڎۊ بە تورکی، هەمدیس بەپاو ئا ڕېککۆتەنامەیە بەشی فرەرو کوردو کەفکاسی دریا بە تورکی.
* تاریخو (#21-03-1921#ز.) پێمانێ میانو تورکیا و ڕووسیاینە بەسیان، مەڵبەندەکانو قارس و ئەردەهانی دریێوە بە تورکیای، پا جۊرە نزیکەو چن هەزار کوردێ دلۍ سۆڤیەتینە مەنێ کە دلۍ مەڵبەندەکانو تالین و ئاڵاگۆزینە مەژیۋېنۍ و دلۍ کۊمارو ئەرمەنستانی ژمارەو ئی کوردا دمای جەنگی جەهانی دوەمی یاوێ نزیکەو (26) هەزار کەسا.
* تاریخو (#24-03-1921#ز.) کۊنفڕانسو دوەمو قاهیرەی بەسیان، کە شازاڎە فەیسەڵ دلېشەنە کریان بە پاڎشاو عێراق و پانیشتو کوردەسانی.
* تاریخو (#25-05-1921#ز.) ئەمین عالی بەدرخان و جەلادەتی کوڕش چەمشان بە میستەر نایری ئینگلیزی کۆت، تاکو بزانان بەریتانیا تاکو چ ڕادێ یاردی شۆڕشو کورڎی مڎۊن.[1]